(ඩයනා උදයංගනී සහ බිමල් ශ්‍යාවන් ජයසිංහ)

මහරගම පිළිකා රෝහලේ අධ්‍යක්ෂ වෛද්‍ය වසන්ත දිසානායක මහතා අද (11) උදෑසන අභාවප්‍රාප්ත විය.

වසන්ත දිසානායක මහතා මියයන විට 58 වැනි වියෙහි පසුවිය.

හෘදයාබාධයක් හේතුවෙන් දින ගණනාවක් තිස්සේ ඔහු රෝහල්ගතව ප්‍රතිකාර ලබමින් සිටියේය. ඔහු කෑගල්ල ශික්ෂණ රෝහලේ අධ්‍යක්ෂවරයා ලෙසද කලක් කටයුතු කළේය.

රූපවාහිනී වැඩසටහන් ආදියට සහභාගී වෙමින් බොහෝ දෙනා අතර ජනප්‍රියව සිටි වසන්ත දිසානායක මහතා රූපවාහිනී නාලිකා මගින් සංවිධානය කරන විවිධ තරඟවලට සහභාගී වෙමින් තමන් හිමිකරගත් ත්‍යාග මුදල් ද මහරගම පිළිකා රෝහල වෙනුවෙන් පරිත්‍යාග කළේය.

ඔහු දරුවන් සිවු දෙනකුගේ පියෙකි.