ශ්රී ලංකාවේ මධ්යම අධිවේගී මාර්ගයේ පළමු අදියර ඉදිකිරීම සඳහා චීනයේ එක්සිම් බැංකුව ලබා දී තිබූ ණය පහසුකම අත් හිටුවා ඇතැයි වාර්තා වෙයි.
ශ්රී ලංකාවේ වත්මන් ආර්ථික අර්බුදය සහ ශ්රී ලංකාව ණය ආපසු ගෙවීම් තාවකාලිකව අත්හිටුවා තිබීම ණය පහසුකම අත්හිටුවීමට හේතු ලෙස එක්සිම් බැංකුව දන්වා ඇතැයි රජයේ ආරංචි මාර්ග පැවසුවේය.
ශ්රී ලංකාවේ මධ්යම අධිවේගි මාර්ගයේ පළමු අදියරේ ඉදිකිරීම් සඳහා ලබා දී තිබූ ඇමෙරිකා එක්සත් ජනපද ඩොලර් මිලියන 51 ක මුදල මෙසේ චීනයේ එක්සිම් බැංකුව අත්හිටුවා ඇත.
ඒ හේතුවෙන් ශ්රී ලාංකිකයන්ට රැකියා 2000ක් පමණ අහිමි වීමේ අවදානමකට මුහුණ දීමට සිදුව ඇතැයි පැවැසෙයි.
එසේම කඩවත සහ මීරිගම අතර කිලෝමීටර් 37 ක දුරක් ආවරණය වන පරිදි ව්යාපෘතියේ සේවය කළ චීන ජාතිකයින් 500 දෙනකු පමණ දැනටමත් පිටත් වීමට පටන් ගෙන ඇතැයි සන්ඩේ ටයිම්ස් පුවත්පත පෙන්වා දුන්නේය.
ණය පහසුකම අත්හිටුවීම හේතුවෙන් ව්යාපෘතිය ප්රමාදයකට ලක් වන බවත් ඒ හේතුවෙන් ව්යාපෘතිය භාර කොන්ත්රාත්කරුට දඩ මුදලක් ගෙවීමට සිදුවන බවත් ආරංචි මාර්ග ප්රකාශ කළේය.
ශ්රී ලංකාවේ ආර්ථික අර්බුදය යම්තාක් දුරකට විසඳුනු පසු අත්හිටුවූ ණය පහසුකම නැවත ලබා ගැනීම සඳහා චීනයේ එක්සිම් බැංකුව සමඟ සාකච්ඡා කරන බව ආරංචි මාර්ග පැවසුවේය.
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
සීඝ්රයෙන් පරිවර්තනය වෙමින් පවතින ශ්රී ලංකාවේ සෞඛ්ය සේවා ක්ෂේත්රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
මධ්යම අධිවේගය අතරමඟ නතර වෙයි?
Prabha Sunday, 07 August 2022 02:36 PM
කොමිස් ගන්නේ වැඩේ පටන් ගන්න කිලින්නේ. දැන් ඉතින් වැඩේ යකාට ගියත් අපිට මොකද නේද?
Nihal Harischandra Sunday, 07 August 2022 04:55 PM
ආධාර අරන් ඒවා ගිලින්න බලාගෙන ඉන්න පිරිස් දිහා චීන්නු අවධානයෙන් ඉන්නෙ.
Sudharma Sunday, 07 August 2022 04:55 PM
It's a shame. The high way will support to increase the tourism. It's convenient way to travel to any destination within the country in a short time.
gampila Sunday, 07 August 2022 06:28 PM
ගිය සුමානේ රනිල් චීනයට ගිහින් ආවේ. ඒත් මේ සුමානේ චීන සහනාධාර පහසුකම් අත්හිටුවලා
sunith Sunday, 07 August 2022 08:33 PM
යකඩ මල කනවා. දිරනවා. පාලම ආදිය ප්රමිතියෙන් තොර විය හැකිය. අනතුරදායකය.
Perera Monday, 08 August 2022 10:40 AM
දැන් ඕනෑ කරත්ත පාරවල්, සයිකල් මන්තීරු මිසක් අධිවේගී මාර්ග නෙවෙයි...!