(හිරාන් ප්‍රියංකර ජයසිංහ)

නොරෝච්චෝල නාවක්කාඩුව කොළණිය ප්‍රදේශයෙ කෝටිපති එළවළු ව්‍යාපාරීකයකුගේ නිවසට වැදුන ආයුධ සන්නද්ධ සොරුන් කණ්ඩායමක් රුපියල් ලක්ෂ 150 කට ආසන්න රන් හා මුදල් සොරා ගෙන ගොස් ඇති බව නොරෝච්චෝල පොලිසිය කියයි.

පිස්තෝල හා තියුණු ආයුධ පෙන්වා 2 දින අලුයම නාවක්කාඩු කොළණිය ගම්මානයෙ අදාල ව්‍යාපාරීකයාගේ නිවසට කඩා වැදුන මෙම සන්නද්ධ කල්ලිය නිවසේ ව්‍යාපාරීකයා ඇතුළු පිරිස පළමුව සිය ග්‍රහණයට ගෙන ඇති බව කියයි.

ඉන් අනතුරුව කෝටිපතියා හා බිරිද දරුවන් මරා දමන බවට බිය ගන්වා එළවළු වගා කරනු ලබන කෝටිපති ව්‍යාපාරීකයාගේ නිවසේ තිබු සේප්පුව බලහත්කාරයෙන් ඉබි යතුරු වලින් විවෘත කරවාගෙන ඇති බව මුලික පරික්ෂණ වලින් තහවුරු වී තිබේ.

ඉන් පසුව එහි තැම්පත් කර තිබු පවුම් 70 කට ආසන්න රන් ආභරණ තොගයක් හා ලක්ෂ 30 කට ආසන්න මුදල් සියල්ලම පැහැර ගෙන ගොස් ඇති බව කියයි.