(සුජිත් හේවාජුලිගේ සහ අංජුල මහික වීරරත්න )
අනුරාධපුරයේ ඥාන අක්කට අයිති හෝටලයක් හැදීමට හමුදා සාමාජිකයන් යෙදවීම වැරදි වැඩක් බව ජාතික ජන බලවේගය පක්ෂයේ මන්ත්රී අනුර කුමාර දිසානායක මහතා පාර්ලිමේන්තුවේදී අද (3) පැවැසීය.
හමුදා සාමාජිකයන් එතුමාගේ සාත්තර මන්තර ජප කරන කෙනකු ළඟට මෙලෙස යැවීමට පුළුවන් දැයි මෙහිදී ප්රශ්න කළ මන්ත්රීවරයා හමුදා සාමාජිකයන්ට සලකන විදිය මින් හොඳින් පෙන්නුම් කෙරෙන බවද ප්රකාශ කළේය.
ඔහු මෙසේ පැවසුවේ ආරක්ෂක අමාත්යාංශය ඇතුළු අමාත්යාංශ කිහිපයක වැය ශීර්ෂ පිළිබඳ අයවැය කාරක සභා අවස්ථාවේ විවාදයේදීය.
මේ පිළිබඳව වහාම සොයා බලන්නැයි චමල් රාජපක්ෂ ඇමැතිවරයාගෙන් ඉල්ලා සිටින බවත් තමාට ඒ පිළිබඳ තොරතුරු ලබා දිය හැකි බවත් හෙතෙම සඳහන් කළේය.
හමුදා සාමාජිකයන් පෞද්ගලික ව්යාපෘති වෙනුවෙන් යෙදවීම වැරදි වැඩක් බවද ඔහු පැවසුවේය.
හමුදාවේ පහළ සාමාජිකයන් දේශපාලඥයන්ගේ වැඩ කටයුතුවලට මෙන්ම පෞද්ගලික ව්යාපෘති වෙනුවෙන් නිතර යොදවන බවත් නාවික හමුදාවේ ඇතැම් සාමාජිකයන්ද පෞද්ගලික ව්යාපෘති වෙනුවෙන් මේ ආකාරයට යොදවා ඇති බවත් දිසානායක මහතා පැවැසීය.
හමුදා පහළ සාමාජිකයන් පෞද්ගලික ව්යාපෘති වෙනුවෙන් යෙදවීම වහාම නතර කළ යුතු බව පැවසූ මන්ත්රීවරයා රට වෙනුවෙන් වැදගත් වැඩ කොටසක් ඉටු කර ඇති හමුදා සාමාජිකයන්ට ගෞරවය ලබා දිය යුතු බවද කිවේය.
ආරක්ෂක අංශ සාමාජිකයින්ගේ ආහාර වේල ගැනද ආරක්ෂක ඇමැතිවරයා අවධානය යොමු කළ යුතු බව ඔහු සඳහන් කළේය.
පොලිස් නිලධාරීන්ද අද විශේෂ පීඩාවකට ලක්ව සිටින බවත් පොලිස් සැරයන්වරුන්ගේ සහ කොස්තාපල්වරුන්ගේ බරපතළ හිඟයක් පවතින බවත් අනුර දිසානායක මහතා පැවැසීය.
රටේ කොස්තාපල්වරුන් 17,500 හිඟයක් පවතින බව මන්ත්රීවරයා වැඩිදුරටත් සඳහන් කළේය.
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඥාන අක්කගේ හෝටලය හදන්න හමුදාව යෙදවීම වැරදියි
ජල්තර Friday, 03 December 2021 04:03 PM
පුංචි අම්මටත් හදමු හෝටලයක්...
සෙනෙවිරත්න Friday, 03 December 2021 10:19 PM
වහාම මානසික වෛද්යවරයෙක් හමුවෙන්න. මේ යථාර්ථය හමුවේත් පියවි සිහිය නොමැතිකමට එකම පිළියම ඒකයි.
රූකඩ Friday, 03 December 2021 04:31 PM
ලොකුම දේසපාලකයින්ට අන දෙන්නේ ඥාණාඅක්කා. අල්ලේ නැටවෙන රූකඩ....
Ana Friday, 03 December 2021 04:55 PM
මැල්සිරිපුර උමංදාව කියන පංසලේ වතුවැඩ කරන්නෙත් හමුදා සෙබළුන්...
Podi Malli Friday, 03 December 2021 05:03 PM
පොලිසියේ වැඩි හරියක් රටේ දේශපාලුවන් සහ හිටපු දේශපාළුවන් ආරක්ෂා කරන්න දාලා තියෙන්නේ... සාමාන්ය මිනිස්සු ඉතින් තමන්ගේ ආරක්ෂාව තමන් බලාගන්න වෙලා තියෙන්නේ. ගෙදර හොරු කැඩුවොත් හොරා අල්ලන් එන්න කියලා කියන තත්වයක් තියෙන්නේ...
sharm warn Friday, 03 December 2021 05:10 PM
මෙහෙමනේ සහෝ.. රාජකාරි-දේවකාරි කියලා දෙකක් තියෙනවනේ... දේවකාරි රාජකාරිවලට වඩා උසස් වෙන්නේ මේ වගේ වෙලාවටනේ. එහෙම නැතිව අපි කොහොමද බලය රකින්නේ...?
ගමේ එකාලා Friday, 03 December 2021 05:58 PM
ඕවා මොනවද? අපේ රණවිරුවන් ලවා මොනවද නොකළේ...? ගෙදර මකුළු දැල් කැඩෙව්වා... මල් පෝච්චි වලට වතුර දැම්මා. බේබිලාට කාර් රේස් තියන්න වැලි කොට්ට කරගැහැව්වා.. අනේද කියන්නේ..?
Shan Friday, 03 December 2021 07:12 PM
එකසැරයක් මේ අදහස් තියෙන අයටත් රට කරන්න දීලා බලමු... අනිත් පක්ෂ දෙකම රට කාපු හැටි අපි දැක්කනේ...
අනුලා Friday, 03 December 2021 10:29 PM
හමුදාවේ, පොලීසියේ සමාජිකයින් හා ඒ අයගේ පවුලේ උදවිය ඝාතනය කරන එක හොඳයිද?
Sashi Saturday, 04 December 2021 03:01 AM
ඔය ඔක්කොම එකයි... ඔය කවුරුත් බොරු කයිවාරු ගහලා මිනිස්සුන්ගේ ජීවිතත් එක්ක සෙල්ලම් කරනවා. නුඹලා කවුරුත් එහෙට මෙහෙට කිය කියා රට කාපියව්...
Bamunuarachchi Saturday, 04 December 2021 10:43 AM
හලෝ ඥාණා අක්කාගේ හෝටලය පැත්තකට දාලා අන්න එජාප මන්ත්රීලා ඉඩම් කොමිෂන් සභාවට අයිති ඉඩම් කොල්ල කනවා. ඒ ගැන කතා කරනවා, ප්රශ්න කරනවා නම් කියලා...
fairoosSunday, 05 December 2021 03:02 PM
ලැජ්ජා නැතිකම කියන්නේ මේකට තමයි.
BamunuarachchiSunday, 05 December 2021 06:39 PM
ලැජ්ජා නැතිකම කියන්නේ මිනිස්සු ගහලා, මරලා පුච්චන එකද? එ්ක ජෙප්පොත් කළා. හම්බයින් තාමත් කරනවා. අපි කරන්නේ නැතුව බලන් ඉන්නවා. හලෝ ලැජ්ජා තිබෙනවා නම් ගම්මිරිස් මල්ලත් අරන් ආව රටකට යනවා...