(යොහාන් භාසුර)

ශ්‍රී ලංකා ක‍්‍රිකට් මූලස්ථානයේ ලිපිගොනු කීපයක් අස්ථාගතවීම සම්බන්ධයෙන් ශ්‍රී ලංකා ක‍්‍රිකට් විධායක කමිටුවේ හිටපු සාමාජික සුජීව ගොඩලියැද්ද මහතාගෙන් ක‍්‍රීඩා වැරදි පිළිබඳ විශේෂ විමර්ෂන පොලිස් ඒකකය අද  පැය පහක පමණ කාලයක් ප‍්‍රකාශයක් සටහන් කරගත් බව එම ඒකකයේ ප‍්‍රධානී ජ්‍යෙෂ්ඨ පොලිස් අධිකාරී ජගත් ෆොන්සේකා මහතා පවසයි.

අදාල ලිපිගොනු අස්ථානගත වීම සම්බන්ධයෙන් ජනමාධ්‍ය වාර්තාවක් පදනම් කරගනිමින් පරීක්‍ෂණ ක‍්‍රියාත්මක කරන බවත් ශ්‍රී ලංකා ක‍්‍රිකට් ආයතනයේ සී.සී.ටී.වී. දර්ශන පරීක්‍ෂාවේදී ගොඩලියැද්ද මහතා අදාල සිද්ධිය වූයේ යැයි කියන දිනයේ ශ්‍රී ලංකා ක‍්‍රිකට් මූලස්ථානයට දෙවරක් පැමිණෙන ආකාරය දැකගත හැකි වූ බවත් ෆොන්සේකා මහතා කියයි.

ගොඩලියැද්ද මහතාගෙන් අද පෙරවරු 10.00 සිට පස්වරු 3.00 පමණ තෙක් ප‍්‍රකාශය සටහන් කරගත් බවත් පරීක්‍ෂණ ඉදිරියටත් ක‍්‍රියාත්මක බවත් ෆොන්සේකා මහතා සඳහන් කරයි.