2022 මැයි මස 28 වන සෙනසුරාදා
එකමුතුකම නැති කර ගත්තොත් හානිය ජනතාවටමයි
(අංජුල මහික වීරරත්න)
ගෝඨා ගෝ ගමට එල්ල වූ මැර ප්‍රහාරය සම්පූර්ණයෙන්ම හෙළා දකින බව හිටපු අග්‍රාමාත්‍ය රනිල් වික්‍රමසිංහ මහතා පැවසීය.
ගෝඨා ගෝ ගම ආරක්ෂා කිරීමට යුතුකමක් තිබුණ බවත් එම තරුණ පිරිස ප්‍රජාතන්ත්‍රවාදීව තම විරෝධය ප්‍රකාශ කළ බවත් වික්‍රමසිංහ මහතා කීය.
අප සියලුම සියලුම දෙනා ඊට දුන් ප්‍රතිචාරය ප්‍රමාණවත් නැතැයි ද ඒ වෙනස ඉදිරියට ගෙන යාමට ශීඝ්‍ර වුණේ නැති හෙයින් ඒ වැරැද්ද පිළිගත යුතු යැයිද රනිල් වික්‍රමසිංහ මහතා කීය.
අද රටේ නීතිය සාමය නැති වී ඇතැයි ද ආණ්ඩුවක් ඉවත්වෙලා පමණක් ප්‍රමාණවත් නැති අතර ගැටුම් දිගටම යනවා නම් ආර්ථික පීඩනය තවත් වැඩි වෙන බවද හිටපු අග්‍රාමාත්‍යවරයා කීය.
ගැටුම් ඉදිරියට ගෙන ගියොත් මිනිස්සුන් ගහ ගන්නට පටන් ගත්තොත් තිබෙන එකමුතු කම නැති කර ගත්තොත් එහි හානිය වන්නේ ජනතාවටම බවද වික්‍රමසිංහ මහතා කීය.
වැරදි කළ හැම දෙනාටම දඬුවම් කළ යුතු අතර පරණ විදියට දේශපාලනයේ යෙදෙන්නට බැරි බව සියලු දෙනාට පවසන බවත් ආණ්ඩු විපක්ෂ ආදී පක්ෂ භේද පසෙකට දැමිය යුතුව තිබෙන බවත් වික්‍රමසිංහ සඳහන් කළේ ය.
පාර්ලිමේන්තුවේ කිසිවකුත් පටු දේශපාලනයට යනවා නම් පාර්ලිමේන්තුව වසා දැමීම ඊට වඩා හොඳ බවද වික්‍රමසිංහ මහතා පැවසීය.
වත්මන් තත්ත්වය පිළිබඳව මාධ්‍ය වෙත විශේෂ ප්‍රකාශයක් කරමින් රනිල් වික්‍රමසිංහ මහතා මේ බව කීය.
