(රෝහණ සමරවීර සහ ජයන්ත නානායක්කාර)

උඩවලව සංඛපාල ගල්බොක්කයාය කදුවැටියේ කොටසක් කැණීම් සිදුකිරීම සදහා කොම්පැණිවලට විකිණීමට එරෙහිව  ප‍්‍රදේශවාසීහු පිරිසක්  කොළඹ ඇඹිලිපිටිය ප‍්‍රධාන මාර්ගය උඩවලව ගල්කොරිය මංසන්ධියේදී සම්පූර්ණයෙන්ම අවහිර කරමින් අද විරෝධතාවක් පැවැත්වූහ.

එම විරෝධතාවය සංඛපාල ගල්බොක්කයාය කදුවැටිය සුරකීමේ ජනතා ව්‍යාපාරය සංවිධානය කර තිබූණි. එම විරෝධතාවයට සොබාදහම් පාසල නියෝජනය කරමින් වෑකඳවල රාහුල හිමි. වෙනසක තාරුණ්‍ය සංවිධානයේ ජාතික සංවිධායක ළහිරු වීරසේකර ඇතුළු පරිසරවේදීහු පිරිසක්ද සහභාගිවී සිටියහ.

ගල්බොක්කයාය ජල පෝෂක රක්‍ෂිත කදුවැටියේ අක්කර දෙසිය පනහක කොටසක් පෞද්ගලික කොම්පැණියකට පවරා දීමට බලධාරීන් කටයතු කර තිබෙනවා.

එහි කැණීම් සිදු කළහොත් කදුවැටිය ආශ‍්‍රිත ගම්මාන වල ජීවත් වන ජනතාවට ගැටැලූ රැසකට මුහුණ දීමට සිදුවෙනවා යැයි විරෝධතා කරුවෝ බිය පළකරමින් එහිදී පැවැසුහ.