(සිතුම් චතුරංග)     

                             
රුපියල් 1000 ව්‍යාජ මුදල් නොට්ටු 45 ක් යාපනය සිට රැගෙන ආ  යාපනය පොලිස් විශේෂ කාර්ය බළකායේ සිවිල් කම්කරුවකු වවුනියාව බස්නැවතුම්පොලේදී අත්අඩංගුවටගත් බව වවුනියාව පොලිසිය පවසයි. 

                                        
සැකකරු කොහොලාන අලව්ව ප්‍රදේශයේ පදිංචි 35 හැවිරිදි පුද්ගලයකු වේ.

ව්‍යාජ මුදල් නොට්ටු තොගයක් රැගෙන එන පුද්ගලයකු පිළිබඳ වවුනියාව පොලිස්  අපරාධ විමර්ශන ඒකකය වෙත ලැබුණ තොරතුරකට අනුව සිදුකළ වැටලීමකදී සැකකරු අත්අඩංගුවටගත් බව පොලිසිය පැවසීය.   

                                                     
අත්අඩංගුවට ගත් සැකකරුගේ ගමන් මල්ලෙහි සූක්ෂම ලෙස සඟවා තිබූ ව්‍යාජ මුදල් නොට්ටු තොගය සොයාගෙන ඇති අතර හමුවූ මුදල් නොට්ටුවල 155/735093 ලෙස එකම අංකය සඳහන් වී ඇත.     

                                               
හමුවූ ව්‍යාජ මුදල් නෝට්ටු සම්බන්ධයෙන් සැකකරුගෙන් කළ ප්‍රශ්න කිරීම්වලදී පවසා ඇත්තේ තමන් පැමිණි යාපනය සිට වවුනියාව දක්වා  ධාවනයවූ බස්රථයේ අසුනක් යට තිබී මුදල් නොට්ටු හමුවී ඇති බවයි.