එසැණ පුවත්

බොරැල්ලේ වෙඩි තැබීමට අයෙකු අත්අඩංගුවට

බොරැල්ල ප්‍රදේශයේදී ටී-56 ගිනි අවියකින් වෙඩි තබා මනුෂ්‍ය ඝාතනයට තැත් කිරීමේ අපරාධයට ආධාර අනුබල දුන් සැකකරුවෙකු ඊයේ (9) වැල්ලම්පිටිය ප්‍රදේශයේදී අත්අඩංගුවට ගත් බව කොළඹ අපරාධ කොට්ඨාශය පවසයි.

10 July 2025

වෑන්රිය ප්‍රපාතයට: 8ක් රෝහලට

මාතර සිට නුවරඑළිය දක්වා සංචාරයක් සදහා තරුණයන් පිරිසක් රැගෙන ධාවනය වූ වෑන් රථයක් මාර්ගයෙන් ඉවතට පැන අඩි 70ක් පමණ ප්‍රපාතයකට පෙරලිමෙන් එම වෑන් රථයේ ගමන් ගත් තරුණයක් 08 දෙනෙකු බරපතල තුවාල ලබා නුවරඑලිය දිස්ත්‍රික් මහ රෝහලට අද (10) ඇතුළු කළ බව නානුඔය පොලිසිය පැවසීය.

10 July 2025

ඝාතනය කළ තරුණයෙකුගේ සිරුරක් පාළු පාරක

වෙනත් ස්ථානයකදී ඝාතනය කර ගෙනවිත් දමා ඇති බවට සැක කළ හැකි තරුණයෙකුගේ මළ සිරුරක් හෝමාගම විකල්ප මාර්ගයේ තිබී අද (10) හමු වූ බව හෝමාගම මූලස්ථාන පොලිසිය පවසයි.

10 July 2025

සුඛෝභෝගි රියකින් මත්ද්‍රව්‍ය ප්‍රවාහනය කළ අයෙක් අත්අඩංගුවට

ලියාපදිංචි නොකරන ලද සුඛෝභෝගී මෝටර් රථයකින් අයිස් මත්ද්‍රව්‍ය සහ නීතිී විරෝධී දුම් වැටි තොගයක් ප්‍රවාහනය කරමින් සිටි පුද්ගලයෙකු කෙසෙල්වත්ත බ්ලූ මැන්ඩල් ප්‍රදේශයේදී අත්අඩංගුවට ගත් බව කොළඹ මධ්‍යම කොට්ඨාස අපරාධ විමර්ශන කාර්යාංශය කියයි.

10 July 2025

අල්ලස් ගන්න ගිය පොලිසියේ දෙන්නෙක් මාට්ටු

මත්ද්‍රව්‍ය සන්තකයේ තබාගත් බවට බොරු චෝදනා කර එයට නීති මගින් කටයුතු නොකර සිටීමට යැයි පවසා රුපියල් ලක්ෂ 2 ක මුදලක් ඉල්ලා එයින් රුපියල් 20000 ක මුදලක් ලබා ගැනීමේ චෝදනාව මත පොලිස් නිලධාරීන් දෙදෙනකු අත්අඩංගුවට ගත් බව අල්ලස් හෝ දූෂණ චෝදනාව විමර්ශන කොමිෂන් සභාවකියයි.

10 July 2025

පළාත් කිහිපයකට වැසිවාර කිහිපයක්

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇතිවන බව කාලගුණවිද්‍යා දෙපාර්තමේන්තුව කියයි.

10 July 2025

ඇසළ පුන් පොහෝය අදයි

බෞද්ධ ඉතිහාසයේ වැදගත් සිදුවීම් රැසක් සිදුවූ ඇසළ පුර පසළොස්වක පොහොය අදට(10) යෙදී තිබේ.

10 July 2025

කෙහෙල්බද්දර පද්මේ ගෝලයෝ දෙන්නෙක් සමග මාට්ටු?

ප්‍රබල පාතාල සාමාජිකයකු ලෙස සැලකෙන කෙහෙල්ද්බද්දර පද්මේ සහ ඔහුගේ ප්‍රධානම ගෝලයන් බව කියන කොමාන්ඩෝ සලින්ද සහ බත්තරමුල්ලේ සංජීව යන අය මැලේසියාවේ දී එරට ආරක්ෂක අංශ විසින් අත්අඩංගුවට ගනු ලැබ ඇතැයි වාර්තාවේ.

09 July 2025

සැකකරුට එරෙහිව සාක්කි ඇතැයි කී පොලිසිය මාස 9කට පසුව සාක්කි නැතිලු

සමාජ මාධ්‍ය ඔස්සේ ඊශ්‍රායලයට විරෝධය දැක්වූයේ යැයි ත්‍රස්තවාදය වැළැක්වීමේ පනත යටතේ මාස 9කට අධික කාලයක් රිමාන්ඩ් බාරයේ සිටින තරුණයා අපරාධයක් කළ බවට අනාවරණය නොමැති නිසා ඇප මත මුදාහරින්නැයි දෙහිවල පොලිසිය ගල්කිස්ස අතිරේක මහෙස්ත්‍රාත් හේමාලි හාල්පන්දෙණිය මහත්මියගෙන් කළ ඉල්ලීම ප්‍රතික්ෂේප කළාය.

09 July 2025

ජොනීගේ හෝටලයට පහරදුන් දස දෙනාට අත්හිටවූ සිරදඬුවම්

ගාලු මුවදොර ‘ගෝඨා ගෝගම’ අරගලයට පහර දීමේ සිද්ධියෙන් අතරතුර හිටපු අමාත්‍ය ජෝන්ස්ටන් ප්‍රනාන්දු මහතාට අයත් කොළඹ යූනියන් පෙදෙසේ පිහිටි සංචාරක හෝටලයකට අලාභ හානි කිරීම සහ එහි නවතා තිබූ වාහන දෙකකට අලාභ හානි කිරීමේ චෝදනාවලට වරද පිළිගත් කොළඹ හිටපු නාගරික මන්ත්‍රීවරයකු ඇතුලු දස දෙනෙකුට කොළඹ මහාධිකරණ විනිසුරු ලංකා ජයරත්න මෙනවිය අත්හිටවු සිරදඬුවම් අද (09) නියම කළාය.

09 July 2025

පළාත් පාලන කොමසාරිස්ගේ බලය ගැන අභියාචනාධිකරණ මතය 15 වැනි දා කියයි

සීතාවක ප්‍රාදේශීය සභාව ඇතුළු ප්‍රාදේශීය සභා කිහිපයක සභාපතිවරයා සහ උපසභාපතිවරයා තෝරා ගැනීම සඳහා රහස් ඡන්දයක් පැවැත්වීමට හෝ විවෘත ඡන්දයක් පැවැත්වීමට තීරණය කිරීමේ බලය පළාත් පාලන කොමසාරිස්වරයාට බලය තිබේද? නැද්ද? යන්න පිළිබඳව තීන්දුව ලබන 15 වැනිදා ප්‍රකාශයට පත් කරන බව අභියාචනාධිකරණය අද දැනුම් දුන්නේය.

09 July 2025

පුත්තලමේ දරුවන් මරදාන දුම්රිය ස්ථානය බලන්න ඇවිත්

මරදාන දුම්රිය ස්ථනය නැරඹීමට පුත්තලම කන්දකුලිය මුනේ සිංහල විදුහලේ පාසල් දුවා දරුවන් 130 ක කණ්ඩායමක් අද පැමිණියහ.

09 July 2025

පාස්කු ප්‍රහාරය පිල්ලෙයාන් කලින්ම දැනගෙන ඉදලා

පාස්කු ඉරු දින ප්‍රහාරය සම්බන්ධයෙන් ටී.එම්.වී.පී සංවිධානයේ නායක හිටපු අමාත්‍ය ශිවනේෂතුරේ චන්ද්‍රකාන්තන් නොහොත් පිල්ලෙයාන් කල් තියා දැනගෙන සිටි බවට තොරතුරු අනාවරණයවී ඇති හෙයින් එ් සම්බන්ධයෙන් විශේෂ විමර්ශනයක් ආරම්භ කර ඇති බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පාර්ලිමේන්තුවේදී අද (9) පැවසීය.

09 July 2025

රනිල්ලා - සජිත්ලා ජාතික ආරක්ෂාව බින්දුවට දාපු නායකයෝ

රනිල්ලා සජිත්ලා කියන්නේ ජාතික ආරක්ෂාව බින්දුවට දාපු නායකයන් බව සභානායක,ප්‍රවාහන මහා මාර්ග සහ සිවිල් ගුවන් සේවා අමාත්‍ය බිමල් රත්නායක මහතා පාර්ලිමේන්තුවේ දී පැවසීය.

09 July 2025

මුජිබුර් පාස්කු වාර්තා සභාගත කරයි

සැමට උවමනා වී තිබෙන්නේ පාස්කු ප්‍රහාරයේ මහ මොලකරු හෙළිකර ගැනීම බව පාස්කු විමර්ශන වාර්තා කිහිපයක් සභාගත කරමින් කොළඹ දිස්ත්‍රික් මන්ත්‍රී මුජිබුර් රහුමාන් මහතා:-(ස.ජ.බ) පාර්ලිමේන්තුවේදී පැවසීය.

09 July 2025

තවත් 600කට ඊශ්‍රායල් රැකියා

ඊශ්‍රායලයේ රැකියා සඳහා ලාංකිකයින් 600ට අධික පිරිසකට රැකියා ගිවිසුම් මේ වන විට ලැබී තිබෙන බව විදේශ සේවා නියුක්ති කාර්යංශය කියයි.

09 July 2025

පාස්කු ගැන මේ ආණ්ඩුව මෙලෝ දෙයක් හොයාගත්තේ නෑ

පාස්කු ප්‍රහාරය ගැන මේ ආණ්ඩුවේ අය අලුතින් හොයාගත් කිසිම දෙයක් නැතැයි පත් කළ මන්ත්‍රී රංජිත් මද්දුම බණ්ඩාර මහතා:-(ස.ජබ) පාර්ලිමේන්තුවේදී පැවසීය.

09 July 2025

ලාංකිකයන්ට ජපන් රැකියාවලට යන්න තවත් දොරක් ඇරෙයි

ජපානයේ වනාන්තර කර්මාන්තයට අදාල රැකියා (Forest Industry) පුහුණුව සඳහා ශ්‍රි ලාංකිකයින් යොමුකිරීම සම්බන්ධව සාකච්ඡා කිරීම සඳහා ජපානයේ විශේෂ දූත පිරිසක් ශ්‍රී ලංකා විදේශ සේවා නියුක්ති කාර්යාංශයේ සංචාරක නිරත විය.

09 July 2025

චීන චාරිකාවෙන් පාර්ලිමේන්තු මන්ත්‍රීවරුන්ට ලොකු පාඩමක්

පාර්ලිමේන්තු මන්ත්‍රීවරුන්ගේ චීන අධ්‍යයන චාරිකාවෙන් ප්‍රතිඵල රැසක් ළඟා කර ගත් බව පාර්ලිමේන්තු ආරංචි මාර්ග සඳහන් කළේය.

09 July 2025

පානීය ජලය අරපිරිමැස්මෙන් භාවිත කරන්න

පවතින වියළි කාලගුණික තත්ත්ව හේතුවෙන් සෞඛ්‍යාරක්ෂිත පානීය ජලය හැකිතාක් දුරට අරපිරිමැස්මෙන් භාවිතා කරන ලෙස ජනතාවගෙන් ඉල්ලා සිටින බව ජාතික ජල සම්පාදන හා ජලාපවහන මණ්ඩලය පවසයි.

09 July 2025

උතුර මාර්ගයේ දුම්රිය 2ක් ගල්කිස්සෙන් යළි ගමන් අරඹයි

උතුර දුම්රිය මාර්ගයේ ධාවනය කරන නගරාන්තර සීග්‍රගාමී දුම්රිය දෙකක් නැවතත් හෙට (10) සිට ගල්කිස්ස දුම්රිය ස්ථානය ගමන ආරම්භය සහ ගමනාන්තය බවට පත්කළ බව දුම්රිය නියෝජ්‍ය සාමාන්‍යාධිකාරී (ගමනාගමන) එන්. ජේ. ඉදිපොළගේ මහතා පැවසීය.

09 July 2025

පකිස්තාන නිලි හුමයිරා අභිරහස් ලෙස මිය ගිහින්

පකිස්ථාන නිළියක් සහ නිරූපිකාවක් වන හුමයිරා අස්ගාර් අලි මේ සතියේ ඇගේ කරච්චි මහල් නිවාසයේ මියගොස් සිටියදී සොයා ගත් බව විදෙස් මාධ්‍ය වාර්තා කරයි.

09 July 2025

සිංගිමලේ ජලාශයට වැටුණු සිසුවාගේ සිරුර හමුවෙයි

හැටන් සිංගිමලේ ජලාශයට වැටී අතුරුදන්ව සිටි පාසල් සිසුවාගේ සිරුර රංගල නාවික හමුදාවේ කිමිදුම්කරුවන් විසින් එම ජලාශයේ ගැඹුරු ස්ථානයක තිබි අද (09) සොයාගනු ලැබීය.

09 July 2025

ඉන්දියාවේ පළමක් කඩා වැටී දස දෙනෙක් මරුට

ගුජරාටයේ වඩෝදර ප්‍රදේශයේ මහිසාගර් ගඟ හරහා ඉදිකර තිබූ පාලමක් කඩා වැටීමෙන් එම පාලම හරහා ගමන් ගත් වාහන ගඟට වැටීමෙන් දස දෙනෙකු මියගොස් තවත් පිරිසක් තුවාල ලබා ඇතැයි විදෙස් මාධ්‍ය වාර්තා කරයි.

09 July 2025

පාස්කු දේශපාලන බයිට් එකක් කරන්න ඉඩ දෙන්නේ නෑ

පාස්කු ප්‍රහාරය තවදුරටත් දේශපාලන සංවිධානවල බයිට් එකක් කරන්න ඉඩ දෙන්නේ නැතැයි අධිකරණ සහ බන්ධනාගාර ප්‍රතිසංස්කරණ අමාත්‍ය නීතිඥ හර්ෂණ නානායකාර මහතා පාර්ලිමේන්තුවේදී පැවසීය.

09 July 2025

CIDය පැය එකහමාරක් විමල්ගෙන් ප්‍රශ්න කරයි

හිටපු අමාත්‍ය විමල් වීරවංශ මහතාගෙන් අපරාධ පරීක්ෂණ දෙපාර්තමේන්තුව අද (9) පැය එකහමාරකට ආසන්න කාලයක් ප්‍රකාශයක් ලබාගත්තේය.

09 July 2025

විදුලි සේවකයෝ විරෝධතාවක

වර්තමාන ආණ්ඩුව පොරොන්දු කඩකරමින් විදුලිබල මණ්ඩලය ප්‍රතිව්‍යුගතකරණය මුවාවෙන් කොටස් කීපයකට කැඩීමට උත්සහ කරන බවත් එය වාහාම නතර කළ යුතු බවටත් බල කරමින් විදුලිබල මණ්ඩල සේවකයෝ කොළඹ විදුලිබල මණ්ඩල ප්‍රධාන කාර්යාලය ඉදිරිපිට අද (9) දහවල් විරෝධතාවකත් පැවැත්වූහ.

09 July 2025

මොන තරාතිරමේ හිටියත් පාස්කු සැකකරුවන් අත්අඩංගුවට ගන්නවා

පාස්කු ප්‍රහාරයේ සැකකරුවන් මොන තරාතිරමක හිටියත් අත්අඩංගුවට ගන්නා බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පාර්ලිමේන්තුවේදී පැවසීය.

09 July 2025