( තිළිණි ද සිල්වා සහ රංජන් කටුගම්පොළ )

හම්බන්තොට ව්‍යාපෘතියට එරෙහිව පාර්ලිමේන්තු මන්ත්‍රී වාසුදේව නානායක්කාර මහතා ගොනු කළ මූලික අයිතිවාසිකම් පෙත්සම සලකා බැලීම ලබන 17 වැනිදා තෙක් කල් දැමීමට ශ්‍රේෂ්ඨාධිකරණය අද (3) තීන්දු කළේය. බුවනෙක අලුවිහාරේ, සිසිර ද ආබෲ සහ අනිල් ගුණරත්න යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ මෙම පෙත්සම සලකා බැලිණි.

මෙම පෙත්සම කැඳවූ අවස්ථාවේදී නීතිපතිවරයා වෙනුවෙන් පෙනිසිටි රජයේ නීතිඥවරයා මෙම පෙත්සම සඳහා කල් ලබා දෙන්නැයි කළ ඉල්ලීමක් සලකා බලමින් පෙත්සම් විභාගය මෙදිනට කල් තැබිණි.

ශ්‍රේෂ්ඨාධිකරණය මෙසේ නියෝග කරනු ලැබුවේ මෙම ව්‍යාපෘතියට එරෙහිව පාර්ලිමේන්තු මන්ත්‍රී වාසුදේව නානායක්කාර මහතා ගොනු කර තිබූ මූලික අයිතිවාසිකම් පෙත්සමක් සලකා බැලූ අවස්ථාවේදීය. මීට පෙර මෙම පෙත්සම කැඳවූ අවස්ථාවේදී මේ සම්බන්ධයෙන් ප්‍රතිවිරෝධතා ඇත් නම් ඒවා ගොනු කරන ලෙසටද අධිකරණය පෙත්සම් පාර්ශවයට නියෝග කර තිබිණි.