(ඉන්දිකා රාමනායක)

 නිවාඩු නොලබා යුද හමුදාව හැරගොස් සිටින 26000 කට ආසන්න  හමුදා සාමාජිකයන් පිරිසක් අත්අඩංගුවට ගැනීම සඳහා  හෙට(24) සිට දිවයින පුරා මෙහෙයුම්  ආරම්භ කරන බව යුද හමුදාව කියයි.

යුද හමුදා පොලිසිය සහ අදාල ප‍්‍රදේශවල පොලිස් නිලධාරීන් යොදවා මෙම මෙහෙයුම් ක්‍රියාත්මක කරන බව ද හමුදාව පවසයි.

හමුදාවෙන් නීත්‍යානුකූලව ඉවත් වීම සදහා ප‍්‍රකාශයට පත්කර තිබු මසක පමණ  පොදු සමා කාලය තුළ   හමුදාවට බාර නොවු  හමුදා සමාජිකයින් මෙලෙස අත්අඩංගුවට ගන්නා බව හමුදා ප‍්‍රකාශක මේජර් ජනරාල්  රොෂාන් සෙනවිරත්න මහතා පැවසීය.

ඉකුත් ඔක්තෝබර් මස 23 දින සිට නොවැම්බර් 22 දක්වා යුද හමුදාව මෙම පොදු සමාකාලය ප‍්‍රකාශයට පත්කර තිබිණි. 

මෙම කාලය තුළ නිලධාරීන් 15 දෙනකු, කෙඩෙට් නිලධාරීන් 9 දෙනකු හා සෙසු නිලයින් 11208 දෙනකු බාර වී තිබු බවද හමුදා ප‍්‍රකාශකවරයා කීය.