(සංජය මධුශාන් / කාංචන කුමාර ආරියදාස)
ත්රිකුණාමලය සිට දඹුල්ල බලා ධාවනය වූ කාරයක් හා මහනුවර සිට ත්රිකුණාමලය දක්වා ධාවනය වූ පොද්ගලික බස් රථයක් අද (30) හබරණ දී මුහුණට මුහුණ ගැටීමෙන් දෙදෙනෙක් මිය ගොස් තවත් පුද්ගලයින් 11 දෙනෙක් තුවාල ලබා ඇති බව හබරණ පොලීසිය පවසයි.
කාරයේ රියදුරු ඇතුළු අයෙක් රෝහල් ගත කරන විට මිය ගොස් සිටි බව රෝහල් බලධාරීහු පවසති. කාරයේ අනෙක් දෙදෙනා බරපතල තුවාල ලැබීම නිසා දඹුල්ල මූලික රෝහලට ඇතුලත් කර ඇති අතර ඔවුන් ඉතා අසාද්ය තත්ත්වයේ පසු වූ බව හබරණ රෝහල් ආරංචිමාර්ග කියයි.
තවද බසයේ ගමන් ගත් පුද්ගලයින් 7 දෙනෙකු දඹුල්ල මූලික රෝහල වෙත මාරුකර යවා ඇති අතර ද දෙදෙනෙක් හබරණ රෝහලේ ප්රතිකාර ලබති. බස් රියදුරු පොලිස් අත්අඩංගුවට ගනු ලැබ ඇත.
මහනුවර ප්රදේශයේ පොද්ගලික විශ්ව විද්යාලයක සිසුන් පිරිසක් බස් තුනකින් ත්රිකුණාමලය වෙත විනෝද චාරිකාවක පැමිණ තිබේ.
COMMENTS
බස් ඩ්රයිවර්ලා හිතාගන ඉන්නේ ඉමර්ජන්සි අම්බුලන්ස් එකක් එලවනවා කියලයි මං නම් හිතන්නේ. පුදුම හදිස්සියක් තියෙන්නේ ත්රී වීලර් කාරයෝවගේ එහෙන් මෙහෙන් දාල ඉස්සර කරන්නේ. මට නම් දුර ගමන් යන බස් කාරයෝ මගේ කාර් එක පිටිපස්සෙන් එනවා දකිනකොටත් බය හිතෙනවා.
ලංකාවේ යටිතල පහසුකම් නොදියුනුකමේ ප්රතිපල. වාහන නොගැටෙන ලෙස ප්රධාන පාරවල්වල මංතීරු බෙදා වෙන්කළයුතු.
නිතිය පිලිබඳ ප්රස්නේ තියෙන්නේ . බස් කාරයෝ බයක් නෑ.. මැද පෙරදිග වගේ රුපියල් ලක්ෂ තුනක් දඩය ගැහුවනම් මේවගේ අනතුරු අඩු වෙයි .
කොච්චර පාරවල් හැදුවත් වැඩක් නෑ....මිනිස්සු පිස්සෝ වගේ නං වාහන එලවන්නේ...........
ඇයි මේ හැම දේටම ත්රීවීල්කාරයෝ ඈදාගන්නේ. එහෙන් මෙහෙන් දාලා මහනසිවෙලා ලයින් එක ක්ලියර් කරලා දෙන්නේ ත්රී වීලර් කාරයා. ඒ හැකියාව ඔය ඉන්න රාලහාමිලාටවත් නෑ. ලයින් එක හදල දුන්නහම ඇල්ටො කාරයෝ එහෙම පස්සෙන් එනව නෙවෙයි.
බස් කාරයෝ බස් එලවන්නේ ගංජා ගහල .මිනිස් ජිවිතේ වටිනාකම නොතේරෙන්නේ එකයි. ඔවුන් යන වේගය ඔවුන්ට නොතේරෙන්නෙත් ඒ නිසයි.