ශිරාන් රණසිංහ

 

මහින්ද රාජපක්ෂලාගේ දේශපාලනය එදා සිටම තමා අනුමත නොකරන නිසා හීනෙන්වත් ඔහු සමඟ එකට එක්ව දේශපාලනය නොකරන බව තිරසර සංවර්ධන හා වනජීවි ඇමැති ෆීල්ඩ් මාෂල් සරත් ෆොන්සේකා මහතා පැවසීය.

දේශපාලනයේ සදාකාලික මිතුරන් හෝ සදාකාලික සතුරන් නැතැයි කීවද රාජපක්ෂලාගේ දුෂිත දේශපාලනය සමඟ තමා කටයුතු නොකරන බවද ෆොන්සේකා මහතා කීවේය.

තමා මීට මාස දෙකකට පෙරාතුව පොලිසිය හා මත්කුඩු ජාවාරම්කරුවන් සහ අපරාධකරුවන්ගේ සම්බන්ධය පිළිබඳ හෙළි කළද එය බීරි අලීන්ට වීණා වැයුවා සේ කිසිවකු ගණනකට නොගත් මුත් මේ වන විට ඒ කී දේවල් යථාර්තයක් වී ඇතැයි ද ඇමැති සරත් ෆොන්සේකා මහතා පැවසීය.