IMG-LOGO

2024 අප්‍රේල් මස 23 වන අඟහරුවාදා


සීෂෙල්ස් රාජ්‍යයේ අභියාචනාධිකරණ සභාපති ලෙස ලාංකිකයෙක් පත්වෙයි

(තිළිණි ද සිල්වා)

සීෂෙල්ස් රාජ්‍යයේ අභියාචනාධිකරණයේ සභාපති වශයෙන් ශ්‍රී ලංකාවේ හා සීෂේල්ස් රාජ්‍යයේ ද්විත්ව පුරවැසිභාවය හිමි විනිසුරු ඇන්තනී ෆ්‍රැන්සිස් තිස්ස ප්‍රනාන්දු මහතා පත් කෙරුණු බව සීෂෙල්ස් හි ශ්‍රී ලංකා මහකොමසාරිස් කාර්යාලය සඳහන් කරයි.

විනිසුරු ඇන්තනි ෆ්‍රැන්සිස් තිස්ස ප්‍රනාන්දු මහතා සීෂෙල්ස් අභියාචනාධිකරණයේ සභාපතිවරයා වශයෙන් සීෂෙල්ස් ජනරජයේ ජනාධිපතිවරයා හමුවේ දිවුරුම් දෙනු ලැබූ බවද ශ්‍රී ලංකා මහකොමසාරිස් කාර්යාලය කියයි.

එරට අභියාචනාධිකරණයේ සභාපතිවරයා යනු  සීෂෙල්ස් රාජ්‍යයෙහි අධිකරණයේ ප්‍රධානියා වන අතර  එවැනි ඉහළ අධිකරණයක ප්‍රධානියා ලෙස ලංකාවේද පුරවැසියභාවය හිමි විනිසුරු තිස්ස ප්‍රනාන්දු මහතා සුදුසුකම් ලැබීමද ශ්‍රී ලංකාව  ලැබූ ජයග්‍රහණයක් යැයිද එම මහ කොමාසාරිස් කාර්යාලය වැඩිදුරටත් සඳහන් කරයි.

මෙරට සිටි  දිසා විනිසුරුවරයෙකු වූ දිවංගත එෆ්. ජී. බෙනසෙට් ප්‍රනාන්දු සහ ලීනා ප්‍රනාන්දු මහත්මියගේ පුත්‍රයෙකු වන විනිසුරු ප්‍රනාන්දු මහතා 1978 සැප්තැම්බර් මාසයේදී කොළඹ විශ්ව විද්‍යාලයෙන් නීතිවේදී උපාධිය ලබා ගත් අයෙකු වේ.

පසුකාලීනව 2013 දී මොන්ට්‍රියෙල්හි මැක්ගිල් විශ්ව විද්‍යාලයේ මානව හිමිකම් සහ නීති බහුත්වවාදය පිළිබඳ මැක්ගිල් මධ්‍යස්ථානයේ ඕබ්‍රයන් සාමාජිකත්වය හිමිකර ගත්තේය.

ශ්‍රී ලංකා නීති විද්‍යාලයෙන් නීතීඥවරයෙකු ලෙස සුදුසුකම් ලැබූ අතර ඔහු සිය පළමු වසර තුළදී  ජූරි සභාව ඇමතීම සඳහා හෙක්ටර් ජයවර්ධන රන් පදක්කම දිනා ගත් අයෙකුද වූයේය. ඔහු 1977 දී ශ්‍රී ලංකා නීති විද්‍යාලයේ නීති ශිෂ්‍ය සංගමයේ සභාපතිවරයාද වූයේය.

1991 වසරේදී ඔහු  දී සීෂෙල්ස් හි නීතිපති දෙපාර්තමේන්තුවේ සේවයට එක් වූ විනිසුරු ප්‍රනාන්දු 1992 දී එරට ප්‍රධාන රජයේ නීතීඥවරයා  ලෙස උසස් වීම් ලැබුවේය.

විනිසුරු ප්‍රනාන්දු මහතා 2009 වසරේ සිට 2015 වසර දක්වාම  ෆීජි අභියාචනාධිකරණයේ අභියාචනාධිකරණ විනිසුරුවරයෙක් ලෙස කටයුතු කළේය.

සීෂෙල්ස් රාජ්‍යයේ අභියාචනාධිකරණ විනිසුරුවරයෙකු කටයුතු කිරීමට මත්තෙන් විනිසුරු ප්‍රනාන්දු වසර දහයක් පුරා  එරට  නීතිපතිවරයා ලෙස කටයුතු කිරීම විශේෂත්වයකි.

1999 වසරේ ජනවාරි මාසයේ සිට සිට 2009 වසර දක්වා එක දිගට වසර දහයක් පුරා එරට නීතිපතිවරයා වශයෙන් කටයුතු කළ විනිසුරු ප්‍රනාන්දු මහතා එම කාලය තුළ එරට නීතී ක්ෂේත්‍රයට සුවිශේෂී වැඩ කොටසක් ඉටුකළ අයෙකු ලෙස සැලකේ.

සීෂෙල්ස් රාජ්‍යයේ නීතීපති දෙපාර්තමේන්තුවට එක්වීමට මත්තෙන් ඔහු ශ්‍රී ලංකාවේ නීතිපති දෙපාර්තමේන්තුවේ රජයේ නීතීඥවරයෙකු මෙන්ම ජ්‍යෙෂ්ඨ රජයේ නීතීඥවරයෙකු කටයුතු කළ අයෙකු වීම විශේෂත්වයකි.

ශ්‍රී ලංකාවේ ජ්‍යෙෂ්ඨ  රජයේ නීතීඥවරයෙකු ලද වසර 11 ක් සේවය කළ විනිසුරු තිස්ස ප්‍රනාන්දු මහතා  1979 වසරේ දී ශ්‍රී ලංකාවේ නීතීඥ සේවයට එක් වූ අයෙකුද වේ.

නීතීඥවරයෙකු වශයෙන් මෙරට මහේස්ත්‍රාත් අධිකරණය , මහාධිකරණය , යුද්ධාධිකරණය , අභියාචනාධිකරණය සහ ශ්‍රේෂ්ඨාධිකරණයේ කටයුතු කළේය.එසේම උපරිමාධිකරණ වල මූලික අයිතිවාසිකම් පිළිබඳ පෙත්සම්, ඡන්ද පෙත්සම් වෙනුවෙන් පෙනී සිටි ප්‍රසිද්ධ නීතීඥවරයෙකුද වූයේය.

එසේම 1982 සහ 1983 වසරේදී අපරාධ සිදු කළා යැයි කියන රජයේ සේවකයින් , පාර්ලිමේන්තු මන්ත්‍රීවරුන් හා අමාත්‍යවරුන් පිළිබඳ සොයා බලන ජනාධිපති කොමිසම , 1986 මැයි 03 වැනිදා කටුනායක ගුවන්තොටුපළ එල්ල කළ ත්‍රස්ත ප්‍රහාරය පිළිබඳ සොයා බලන ජනාධිපති කොමිසම හි රජයේ නීතීඥවරයෙකු ලෙසින්ද කටයුතු කළ අත්දැකීම් බහුල නීතීඥවරයෙකු වූයේය.

දශක තුනකට වැඩි සිට වෘත්තීමය සේවා කාලය තුළ විනිසුරු ප්‍රනාන්දු විසින් අපරාධ, ව්‍යවස්ථාමය, මැතිවරණ සහ සිවිල් නීතිය පිළිබඳ සුවිශේෂී තීන්දු කිහිපයක් රැසක් ප්‍රකාශයට පත් කළ අයෙක් වන අතරම එම තීන්දු පොදුරාජ්‍ය මණ්ඩලයේ නීති වාර්තා වෙළුම් සඳහාද ඇතුළත් කර ඇත.

මීට අමතරව මත්ද්‍රව්‍ය හා අපරාධ පිළිබඳ එක්සත් ජාතීන්ගේ කාර්යාලයේ සමුද්‍රීය මුහුදු කොල්ලකෑම් පිළිබඳ යූ.එන්.ඕ.ඩීසී විශේෂ නියෝජිතයෙකු ලෙස කටයුතු කොට ඇති වන ඔහු මෙම විෂය පිළිබඳව පුළුල් ලෙස ලියා ඇති අතරම, ජාත්‍යන්තර සංසදවල සහ අධ්‍යයන ආයතනවල ඉදිරිපත් කිරීම් කිහිපයක්ම කර ඇති අයෙකුද වේ.

තවද විනිසුරු ප්‍රනාන්දු මහතා පොදුරාජ්‍ය මණ්ඩලීය නීති ප්‍රකාශනයේ සම විචාරකයෙකු ලෙසින්ද ,පොදුරාජ්‍ය මණ්ඩලීය මහලේකම් කාර්යාලයේ නීති ව්‍යාපෘති සඳහා වන උපදේශන සංචිතයේ සාමාජිකයෙකු ලෙසින්ද කටයුතු කර ඇත. 

එච් අයි.වී / ක්ෂය රෝගය, හා මානව හිමිකම් පිළිබඳ අප්‍රිකානු ප්‍රාදේශීය විනිසුරු සංසදයේ මෙහෙයුම් කමිටුවේ සාමාජිකයෙකු ලෙසින් කටයුතු කර ඇති අතර ඔහු ජාත්‍යන්තර දූෂණ විරෝධී අධිකාරීන්ගේ සංගමයේ විධායක කමිටු සාමාජිකයෙකු ලෙස ද විශාල සේවය කළ අයෙකු ද වේ.

විනිසුරු වෘත්තීයට අමතරව වෙනත් විශිෂ්ට පරිබාහිර කටයුතු රැසක් ඉටු කළ ඔහු විසින් ප්‍රකාශයට පත් කළ ග්‍රන්ථ අතර ව්‍යවස්ථා නීතිය, මැතිවරණ නීතිය, අපරාධ නීතිය, සමුද්‍ර මුහුදු කොල්ලකෑම් සහ ජාත්‍යන්තර බේරුම්කරණය පිළිබඳ පොදුරාජ්‍ය මණ්ඩලීය නීති ප්‍රකාශනයේ පළ වූ පොත් සහ ලිපි ඇතුළත් ය.

එම විෂය ක්ෂේත්‍රයේම ආරාධිත කථිකයෙකු ලෙස කටයුතු කර ඇති විනිසුරු තිස්ස ප්‍රනාන්දු අපරාධ යුක්තිය සම්බන්ධ කාරණා සම්බන්ධයෙන් ජාත්‍යන්තර සහයෝගීතාව, දූෂණ විරෝධී , බේරුම්කරණය ඇතුළු කරුණු ගණනාවක් පිළිබඳව ලොව පුරා ජාත්‍යන්තර නීතී සම්මන්ත්‍රණ කිහිපයකම දායකත්වය සැපයූ අයෙකුද වේ.

ශ්‍රී ලංකාවේ රැදී සිටි අවදියේදී විනිසුරු ප්‍රනාන්දු ශ්‍රී ලංකා විවෘත විශ්ව විද්‍යාලය, ශ්‍රී ලංකා නීති විද්‍යාලය්ද , ඊට අමතරව සීෂෙල්ස් විශ්ව විද්‍යාලයේ විවිධ විෂයයන් පිළිබඳ කථිකාචාර්යවරයකු ලෙස නීතී සිසුන් සඳහා දැනුම ලබා දුන් අයෙකු ද වේ.

තවද විනිසුරු ප්‍රනාන්දු මහතා සීෂෙල්ස් අධිකරණ විද්‍යාලයේ උපදේශක මණ්ඩලයේ සභාපතිවරයා ලෙස කටයුතු කළ අතර සීෂෙල්ස් හි අධිකරණ සේවා විද්‍යාලය සඳහා නීතීඥයින් බඳවා ගැනීමේ විභාග පරීක්ෂකවරයෙකු ලෙසින්ද කටයුතු කරනු ලැබුවේ නීති ක්ෂේත්‍රයේ ඔහු ලැබූ වෘත්තීමය පළපුරුද්ද නිසා වෙනි.

 



අදහස් (5)

සීෂෙල්ස් රාජ්‍යයේ අභියාචනාධිකරණ සභාපති ලෙස ලාංකිකයෙක් පත්වෙයි

kamal Friday, 10 July 2020 01:28 PM

රංජා මල්ලිගේ හඬපට අහලා වෙන්න ඇති ජොබ් එක දුන්නේ...?

:       175       100

raviSaturday, 11 July 2020 04:49 AM

ඔය ලංකාව කියන අඹ ගෙඩිය ඇතුලේ දාන සෙල්ලම්... එහෙ දාන්න බැහැ. එහෙම වුණොත් ඉතින් කණ පලාගෙන කොලේ ඉරාගෙන ඇඟේ හලාගෙන තමයි ආපහු ගෙදර එන්න සිද්ද වෙන්නේ. ශීසෙල්ස් කියන්නේ අපේ වගේ මුඩුක්කු පාර්ලිමේන්තුවක්... නීතියක් තියෙන රටක් නෙමෙයි.

:       85       51

කරුSaturday, 11 July 2020 10:52 AM

ඔබ වැනි අයට ගෙදර වෙන වැඩක් නැති නිසාද, එහෙම නැතිනම් ගෙදර බිරිඳගෙන් ගුටිකාලා ඇතිවෙලාද යන්න තැනක් නැතිවුණාම මේ පිටුවට පාත්වෙලා පිස්සු කරන්නේ? පිස්සු කියවන්නේ නැතිව ඉන්න. වැදගත් ගතයුතු දෙයක් කියන්න නැතිනම් ගෙදර ගිහින් නෝනාව නාවන්න කුණු අතුල්ලලා.

:       0       0

ලුම්බිණි Saturday, 11 July 2020 12:24 AM

මෙතන මොකද්ද ශ්‍රී ලංකාව ලැබූ ජයග්‍රහණය?

:       0       0

Anton Fernando Saturday, 11 July 2020 03:56 AM

සුබපැතුම්..!!!

:       0       0

ඔබේ අදහස් එවන්න

එසැණ පුවත්

චීටා බළකාය යාල පීරයි
2024 අප්‍රේල් මස 23 471 0

පොලිස් විශේෂ කාර්ය බළකාය විශේෂ පුහුණුව ලත් චීටා බළකායේ නිලධාරීන් විසින් අති නවීන ඩ්‍රෝන කැමරා උපයෝගී කරගෙන යාල අධි ආරක්ෂිතය තුළ සිදුකළ මෙහෙයුමකදී ගි


එජාප මැයි රැලිය මරදානේදී
2024 අප්‍රේල් මස 23 291 0

එක්සත් ජාතික පක්ෂයේ මැයි දිනය උළෙල සම්බන්ධයෙන් ප්‍රාදේශීය මට්ටමින් සංවිධාන කටයුතු ඇරැඹූ බව එක්සත් ජාතික පක්ෂය කියයි.


හොර ලයිසන් ස්ටිකර් හැදූ 2ක් මාට්ටු
2024 අප්‍රේල් මස 23 171 0

මෝටර් රථ දෙපාර්තමේන්තුවේ ව්‍යාජ මුද්‍රා සහ තාවකලික රියදුරු බලපත්වලට අලවන ස්ටිකර් වලට සමාන ව්‍යාජ ස්ටිකර් සහ කූට ලේඛන සමග 43 හැවිරිදි සැකකරුවෙක් සහ 22 හැ


මාර්තු උද්ධමනය පහළට
2024 අප්‍රේල් මස 23 144 0

ජාතික පාරිභෝගික මිල දර්ශකය අනුව පසුගිය මාර්තු මස මෙරට උද්ධමනය සියයට 2.5 ක් දක්වා පහළ ගොස් ඇතැයි ජනලේඛන හා සංඛ්‍යාලේඛන දෙපාර්තමේන්තුව නිවේදනය කළේය.


ඉරාන ජනපති පාකිස්තාන අගමැති හමුවෙයි
2024 අප්‍රේල් මස 23 256 0

දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්‍රහීම් රයිසි සහ පාකිස්තාන අග්‍රාමාත්‍ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන


මැලේසියාවේ හෙලිකොප්ටර් දෙකක් හැපී 10ක් මරුට
2024 අප්‍රේල් මස 23 450 0

මැලේසියානු රාජකීය නාවික හමුදාවේ පෙළපාලියකට පුහුණු වෙමින් සිටියදී හෙලිකොප්ටර් යානා දෙකක් ඉහළ අහසේදී එකිනෙක ගැටීමෙන් සිදුවූ අනතුරක් හේතුවෙන් එහි සිට


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 269 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1619 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1507 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site