(නිමන්ති රණසිංහ)

සැලසිනේ රූපවාහිනි ආයතනයේ හිටපු සභපති ප්‍රදීප් උදයකුමාර එදිරිසිංහ අත්අඩංගුවට ගන්නා ලෙස කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා අද(29) විවෘත වරෙන්තු නිකුත් කළේය.

දැනට එංගලන්තයේ පදිංචිව සිටින ඔහු සැලසිනේ සභාපතිව සිටි කාලයේ දී එම ආයතනයේ මුදල්වලින් රුපියල් ලක්ෂ 120ක් කූඨ ලෙස සුබ සාධක ගිණුමට ලබාගෙන සාවද්‍ය පරිහරණය කිරීම යටතේ ඔහුට එරෙහිව නඩු පවරා ඇත.

එම නඩුවට අදාළව සැලසිනේ හිටපු අභ්‍යන්තර විගණක මහේෂා සුභානි ජයලත් අද අධිකරණයට ඉදිරිපත් කෙරුණු අතර ඇය ලබන ඔක්තෝබර් 13වැනිදා තෙක් රිමාන්ඩ් කරන ලෙස ප්‍රධාන මහේස්ත්‍රාත්වරයා නියෝග කළේය.