(ප්‍රසාද් මුතුකුඩ)

කොළඹ කටුනායක අධිවේගි මාර්ගයේ  සීදුව පිටවීමේ දොරටුව ආසන්නයේ  පිහිටා ඇති අම්බලන්මුල්ල කුණු කන්ද අද (07)  ගිනි ගැනීම හේතුවෙන්  එම ප්‍රදේශය පුරා දැඩි දුමාරයක් පැතිර ගොස් තිබේ.

සවස් වන විටත් ඊට වගකිව යුතු නිසි නිලධාරීන් කිසිවෙකු එහි පැමිණ නොසිටි බව සීදුව ප්‍රදේශවාසීහු පැවසූහ.

මේ හේතුවෙන් කටුනායක කොළඹ අධිවේගි මාර්ගයේ  සීදුව ප්‍රදේශය දුමින් වැසි තිබුණේය.

කටුනායක සීදුව නගරයේ කැලි කසල සීදුව නගර සභාවෙන් එකතුකොට අම්බලන්මුල්ල කුණු කන්දට ගෙනවිත් දමන අතර එම ප්‍රදේශයේ  ඇති කර්මාන්තශාලා  මගින්  ඉවතලන  කුණු  අතර යකඩ ද්‍රව්‍ය  ඇති හෙයින් ඒවා  ලබාගැනීමට මෙලෙස කුණු කන්දට යම් පිරිස් පැමිණ ගිනි තබන බවත් එමගින් ඇති වන විෂ සහිත දුමාරය හේතුවෙන් දැඩි සෞඛ්‍යමය ගැටළු රැසකට මුහුණදී ඇතැයි ප්‍රදේශවාසීහු පවසති.

ප්‍රදේශවාසීන් කරන ලද  දැනුම් දීමකට අනුව ගම්පහ  ගිනි නිවීමේ ඒකකයේ රථ පැමිණියද  දැඩි  උෂ්ණත්වය සහ සුළං තත්ත්වය හේතුවෙන් එම කටයුත්ත අසාර්ථක විය.

ගිනි නිවීමට භාවිතා කරන ඔක්සිජන් ටැංකි සහ අමතර ජල බවුසර් නොමැති වීම හේතුවෙන් ගම්පහ ගිනි නිවීම් ඒකකය ආපසු හැරි ගියේය.