(ජවුෆර් ඛාන්)

ලෝකය පුරා තැනින් තැන බෝම්බ ශබ්ද ඇසෙමින් පවතින අවස්ථාවක අපේ රටේ ඉතාමත් සන්සුන් දේශපාලන වාතාවරණයක් ඇති බව කතානායක කරු ජයසූරිය මහතා පවසයි.

 සිංහල දෙමළ මුස්ලිම් හැමෝම එකතු වෙලා1948 දී නිදහස ලබා ගත්තා. අපිත් සිංගප්පූරුව හා ඩුබායි වගේ ඉදිරියට යා යුතුයි. ඒ සඳහා සියලු ජනතාව එක්ව කටයුතු කළ යුතුයි යැයිද කතානායකවරයා කීවේය. 
“හැමෝම මිනිස්සු“

“දෙමළ, සිංහල, මුස්ලිම් කවුරු වුණත් බෙදීම්වලින් මනින්න බැහැ. වර්තමානයේ නව දේශපාලනයක් ඇති වෙලා තියෙනවා. ස්වාධීන කොමිසම පිහිටුවා තියෙනවා. මැතිවරණවලදී ජනතාවට හෘද සාක්ෂියට අනුව ඡන්දය දීමේ හැකියාවක් ඇති කරලා තියෙනවා.“යැයි කතානායකවරයා ප්‍රකාශ කළේය. 

රාජ්‍ය අමාත්‍ය එම්.එල්.ඒ.එම්.හිස්බුල්ලා මහතාගේ වසර 25 ක දේශපාලන ජීවිතය ගැන දැක්වෙන කිලක්කින් වාසල් (නැගෙනහිරේ මිදුල)  නම් කෘතිය එළිදැක්වීමේ අවස්‍ථාවට අද (10) එක්වෙමින් කතානායකවරයා මෙසේ පැවසීය.