(තිළිණි ද සිල්වා සහ රංජන් කටුගම්පොළ)

තම විකාශන බලපත‍්‍රය අත්හිටුවීමට එරෙහිව සී.එස්.එන් නාලිකාවට ගොනු කර තිබූ රිට් පෙත්සම සම්බන්ධයෙන් සමතයකට පත්වීම සම්බන්ධයෙන් ඔක්තෝබර් 9 වැනිදා සළකා බැලීමට අභියාචනාධිකරණය අද (3) තීන්දු කළේය.

පෙත්සම අභියාචනාධිකරණ සභාපති විනිසුරු එල්.ටී.බී දෙහිදෙණිය සහ ශිරාන් ගුණරත්න  මහත්වරුගෙන් සමන්විත අභියාචනාධිකරණ විනිසුරු මඩුල්ලක් හමුවේ සළකා බැලිණි.

මෙතෙක් පෙත්සම්කාර සී.එස්.එන් නාළිකාව සඳහා ලබා දී ඇති සංඛ්‍යාතය එදින තෙක් වෙනත් අයකුට පැවරීමකින් තොරව පවතින තත්ත්වයෙන්ම පවත්වාගෙන යන ලෙසටද අධිකරණයෙන් දැනුම් දුන්නේය.
බත්තරමුල්ල කාල්ටන් ස්පෝර්ට් නෙට්වර්ක් (පෞද්ගලික) සමාගම විසින් ගොනු කර තිබිණි.

පෙත්සමෙහි වගඋත්තරකරුවන් ලෙස ජනමාධ්‍ය සහ පාර්ලිමේන්තු අමාත්‍යාංශයේ ලේකම් නිමල් බෝපගේ,අමාත්‍ය ගයන්ත කරුණාතිලක, විදුලි සංදේශ හා නියාමන කොමිසම , එම කොමිසමේ ලේකම් සුසිල් එම්.සිරිසේන මහත්වරු නම් කරනු ලැබ සිටිති.