IMG-LOGO

2025 නොවැම්බර් මස 29 වන සෙනසුරාදා


ෂෙහාන් ජයසූරිය රටහැර යයි

(ශානුක අරවින්ද)

තවදුරටත් ශ්‍රී ලංකාව නියෝජනය කරමින් දේශීය හෝ ජාත්‍යන්තර තරග සඳහා තමා සහභාගි නොවන බව තුන් ඉරියව් ක්‍රීඩක ෂෙහාන් ජයසූරිය, ලිපියක් මගින් ශ්‍රී ලංකා ක්‍රිකට් ආයතනයට දැනුම් දී ඇත. සිය පවුල සමග තමා ඇමරිකාවේ පදිංචියට යෑමට තීරණය කළ බවද එම ලිපියේ සඳහන් වේ.

ඒ අනුව මින් ඉදිරියට ශ්‍රී ලංකා ක්‍රිකට් ආයතනය සංවිධානය කරන තරගාවලි සඳහා ඔහු ඇතුළත් නොවනු ඇත.

ෂෙහාන්, හිටපු ජනප්‍රිය නිලියකගේ දියණියක සමග විවාහ වූ අතර ඇය ඇමරිකාවේ පුරවැසිභාවයට හිමිකම් කියන බව දැනගන්නට ලැබේ. තවමත් ක්‍රිකට් ක්‍රීඩාවෙන් සමුගැනීම ප්‍රකාශ කර නොමැති බැවින් ඇතැම් විට ඉදිරියේදී ඔහු ඇමරිකානු ක්‍රිකට් කණ්ඩායමට ක්‍රීඩා කිරීමට ඉඩ ඇති බවද වාර්තා වේ.

එක්දින ජාත්‍යන්තර තරග 12 කට සහ විස්සයි20 තරග 18 කට ක්‍රීඩා කර ඇති ෂෙහාන්, එක්දින තරගවලදී අර්ධ ශතකයක් සමග ලකුණු 195 ක් රැස්කමින් කඩුලු 3 ක් බිඳහෙළා ඇත. එක්දින තරගයකදී ඔහුගේ ලකුණු ලබාගැනීමේ සාමන්‍යය 21.66 කි. එක්දින තරගයක කඩුල්ලක් දවාගැනීමේ සාමාන්‍යය 92.33 කි.

විස්සයි20 තරග 18 කදී ලකුණු 241 ක් රැස්කරගෙන ඇති ඔහුගේ ලකුණු ලබාගැනීමේ සාමාන්‍යය 15.06 කි. බිඳහෙළා ඇති කඩුලු සංඛ්‍යාව 3 ක් වන අතර කඩුල්ලක් දවාගැනීමේ සාමාන්‍යය 71.00 කි.

ශ්‍රී ලංකාවේ පළමු පෙළ තරග 80 කදී ශතක 11 ක් සහ අර්ධ ශතක 31 ක් සමග ලකුණු 5431 ක් රැස්කිරීමට සමත්ව ඇති ෂෙහාන්, එහිදී කඩුලු 193 ක් දවාගැනීමටද සමත්වී ඇත. ඊට තරගයකදී කඩුලු 10 බැගින් දවාගත් අවස්ථාවක් සහ ඉනිමකදී කඩුලු 5 බැගින් දවාගත් අවස්ථා 9 ක්ද ඇතුළත් වේ.

මොරටුව වේල්ස් කුමර විදුහලේ ආදි ශිෂ්‍යයකු වන ෂෙහාන් ජයසූරිය, මූවර්ස්, පොලිස්, හලාවත මේරියන්ස් යන ක්‍රීඩා සමාජ නියෝජනය කරමින් අන්තර් සමාජ තරග සඳහා සහභාගි විය. ශ්‍රී ලංකා 19 න් පහළ, 23 න් පහළ, ක්‍රිකට් සභාපතිවරයාගේ කණ්ඩායම සහ ‘ඒ’ කණ්ඩායම නියෝජනය කිරීමටද ඔහු සමත් විය.



අදහස් (9)

ෂෙහාන් ජයසූරිය රටහැර යයි

Ruhunu Friday, 08 January 2021 02:57 PM

මෙන්ඩිස් කවදා යාවිද මන්දා?

:       1       54

banda Friday, 08 January 2021 03:32 PM

ඔයා ගියාට අපිට මෙන්ඩිස් ඉන්නවනේ..

:       2       44

Demuni Uduwara Friday, 08 January 2021 04:00 PM

මොළය සිඳිමින් යනවා.

:       12       8

දිනේෂ් Friday, 08 January 2021 06:02 PM

ඔබගේ අනාගත දියුණුවට සුබපැතුම් ...!!!

:       2       42

kamal Saturday, 09 January 2021 12:50 AM

අතපය සවි ශක්තිය ඇති තරුණ කාලේ ඔබට මොලේ පෑදීම ගැන අපේ සුබපැතුම්.. !!! 

:       0       0

සිරි Saturday, 09 January 2021 04:01 AM

ඔබට නුවණ පහළවීම ගැන මගේ සුබ පැතුම්... මොරටුපුරේ ඔබේ සගයා කුසල්වත් හැකි ඉක්මණින් ඇමෙරිකාවට ගෙන්වා ගන්න.

:       0       2

උදාන Saturday, 09 January 2021 10:39 AM

හිටියා කියලා වැඩක් ගත්තෙත් නැහැනේ... මෙන්ඩිස් වගේ අයට තැන දීලා, මේ මිනිස්සු හැලුවම ඕනෙම එකෙක්ට එපාවෙනවා...

:       2       7

මිත්‍රසිරි Saturday, 09 January 2021 11:02 AM

ලංකාවේ ක්‍රිකට් සදහටම හාන්සියි දැන් ඉතින්... බිංදු කුසල්ට ජයවේවා...!!!

:       1       6

Puppa Saturday, 09 January 2021 12:05 PM

විනයක්, නීතියක් ඇති රටකට ගොස් ජීවත් වෙන්න. ඔබට සුබ පැතුම් .

:       4       11

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 202 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 262 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1162 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site