(මොහොමඞ් බුහාර්ඩින්)
 
දඹුල්ල කුරුණෑගල ප්‍රධන මාර්ගයේ ගලේවෙල යටිගල්පොත්ත ප්‍රදේශයේදි පොලිස් ජිපි රථයක් ,  මොටර් රථයක් හා වෑන් රථයක් එකිනෙක ගැටීමෙන් සිදුවු රිය අනතුරකින් මහමග රාජකාරියේ කරමින් සිටි පොලිස් නිලධාරින් තිදෙනෙකු හා කම්කරුවෙකු තුවාල ලබා රොහල් ගත කර ඇතැයි ගලේවෙල පොලිසිය පවසයි.
 
අද( 28)  අලුයම මඩකලපුව සිට කොළඹ බලා යමින් තිබු මොටර්  රථයක් ගලේවෙල යටිගල්පොත්ත මං  සංන්දියේදි එහි රියදුරුට වේගය පාලනය කරගත නොහැකිව ඉදිරියෙන් පැමිණි කොළඹ සිට එරාවුර් බලා යමින් තිබු වෑන් රථයක ගැටිමෙන් පසු රථ දෙකමාර්ගයෙන් ඉවතට පැන ඒ අසල රාජකාරි කිරිම සදහා නවතා තිබු ගලේවෙල පොලිස්ථානයේ ජංගම සංචාර ජිප් රථයේ ගැටි නතර වි මෙන් මෙම අනතුර සිදුවි ඇතැයි ගලේවෙල පොලිසිය කරන ලද මුලික විමර්ශන වලදි හෙළිවි ඇත.
 
අනතුරින් ගලේවෙල පොලිසියට අනුයුත්තව සේවය කළ උප පොලිස් පරීක්ෂක කරුණාරත්න  පොලිස් සැරයන් 48407 සමරකොන් හා කොස්තාපල් 34854 තිලකරත්න හා කම්කරුවෙකු තුවාල ලබා ගලේවෙල දිසා රොහලට ඇතුළත් කර ඇත
 
පොලිස් නිලධාරින් පිරිස මාර්ගය දෙපස නිති විරෝධි මැතිවරණ පොස්ටර් ඉවත් කිරිමේ රාජකාරියක නිරතව සිටියදි මෙම අනතුරට භාජනය වි ඇතැයි පොලිසිය පවසයි.
 
අනතුරින් පොලිස් ජිප් රථයට හා එහි ගැටිනු වැන් රථය හා මෙටර් රථයට බරපතල හානි සිදුවි ඇති අතර මෝටර් රථයේ හා වෑන් රථයේ සිටි පිරිස නිරුපද්‍රිතව දිවි ගලවාගෙන ඇතැයි පොලිසිය පවසයි.
 
අනතුර සම්බන්ධයෙන් කිහිපදෙනෙකුගෙන් ප්‍රකාශ සටහන් කරගෙන ඇති අතර අපරික්ෂාකාරි ලෙස රිය ධාවනය කිරිම සම්බන්ධයෙන් මොටර් රථයේ රියදුරු සැකපිට අත්අඩංගුවට ගෙන 28 දා දඹුල්ල මහේස්‍ත්‍රාත් අධිකරණයට ඉදිරිපත් කිරිමට නියමිතව බව පරීක්ෂණ  මෙහෙයවන ගලේවෙල පොලිසියේ උසස් නිලධාරියෙකු පැවසිය.