IMG-LOGO

2025 නොවැම්බර් මස 29 වන සෙනසුරාදා


වැස්සෙන් මරණ 6ක්: කතක් අතුරුදන්:17,000ක් පීඩාවට

(ඩයනා උදයංගනී)

දිවයිනේ ප‍්‍රදේශ රැසකට බලපා ඇති තද වැසි සහ සුළං සහිත කාලගුණ තත්ත්වය සමඟ ඇති වූ ගං වතුරට හසුවීමෙන් ඉකුත් දෙදින තුළ හය දෙනෙකු මියගොස් ඇති අතර තවත් අයෙක් අතුරුදන්ව ඇතැයි ආපදා කළමනාකරණ මධ්‍යස්ථානය පවසයි.

ප‍්‍රදේශ ගණනාවකට ගං වතුර තත්ත්වයක් ඇති වී ඇති  අතර මෙහි වැඩිම බලපෑමක් එල්ල වී ඇත්තේ කළුතර, ගාල්ල සහ කොළඹ දිස්ත‍්‍රික්කයන්ටය.

එම දිස්ත‍්‍රික්කයන්හි පවුල් 4,603කට පමණ අයත් 17,372 දෙනෙකු පමණ පීඩාවට පත්ව සිටින බව ආපදා කළමනාකරණ මධ්‍යස්ථානය පවසයි.

කළුතර දිස්ත‍්‍රික්කයේ කළුතර, බණ්ඩාරගම, මතුගම, පාලින්දනුවර, දොඩන්ගොඩ, හොරණ, අගලවත්ත, මිල්ලනිය, බුලත්සිංහල, වලල්ලාවිට, ඉංගිරිය, මදුරවෙල, බේරුවල සහ පානදුර ප‍්‍රාදේශීය ලේකම් කොට්ඨාශවල පවුල් 1,385කට අයත් 5,227 දෙනෙකු පීඩාවට පත්ව සිටින අතර ගාල්ල දිස්ත‍්‍රික්කයේ අක්මීමන, නියාගම, යක්කලමුල්ල, බද්දේගම, තවලම, හබරාදූව, නාගොඩ, කඩවත්සතර, ඉමදූව, ඇල්පිටිය, වැලිවිට දිවිතුර ප‍්‍රාදේශීය ලේකම් කොට්ඨාශයන්හි පවුල් 2,292කට අයත් පුද්ගලයින් 8,445 දෙනෙක් පීඩාවට පත්ව සිටිති.

කොළඹ දිස්ත‍්‍රික්කයේ මොරටුව ප‍්‍රදේශයේද පවුල් 926කට අයත් 3,700ක් පමණ ගං වතුරින් පීඩාවට පත්ව සිටින බව ආපදා කළමනාකරණ මධ්‍යස්ථානය පවසයි.

මීට අමතරව තද සුළං සහ පස් කඳු කඩා වැටීම හේතුවෙන් ප‍්‍රදේශ රැසක නිවාසවලට හානි සිදුව තිබේ.

වලල්ලාවිට ප‍්‍රාදේශීය ලේකම් කොට්ටාශයේ ලේදොල, ඔලගොඩ ප‍්‍රදේශයේ කාන්තාවන් තිදෙනෙකු හා අගලවත්ත රත්මලේ ප‍්‍රදේශයේ එක් පුද්ගලයෙකු අද (6) දිනයේදී ගංවතුරට හසුවී අතුරුදහන් වූ අතර ඔවුන්ගෙන් තිදෙනෙකුගේ සිරුරු හමු වී ඇතැයි වාර්තා වේ.

ඔවුන් අතුරින් එක් කාන්තාවත් තවමත් අරුදන්ව සිටී. 

මතුගම ඇල්ල පාර, වෑත්තෑව මතුගම ඇල මාර්ගය හරහා ඇති තාවකාලික පාලම අසලදී සැඩපහරට හසුවීමෙන් 42 හැවිරිදි පුද්ගලයෙකු මියගොස් ඇත.

ගාල්ල  වඳුරඹ ඌරල ප‍්‍රදේශයේ  පදිංචිව සිටි හැට එක් හැවිරිදි සිව් දරු පියෙක් ද අද  (6)  සවස ජලයේ ගසාගෙන ගොස් අතුරුදහන්ව සිටි අතර ඔහුගේ සිරුර අද (7) දහවල් සොයා ගත් බව ආපදා කළමනාකරණ මධ්‍යස්ථානය පවසයි. 

මොරටුව ප‍්‍රදේශයේ දීද වලිප්පුව වැලදුණු  රෝගීයෙකු වතුරට වැටීමෙන් මියගොස් ඇත. 

මෙම තත්ත්වයන් හේතුවෙන් නිවාස රැසකට හානි සිදුව ඇති බව ද එම ආපදා කළමනාකරණ මධ්‍යස්ථානය සඳහන් කරයි. 



අදහස් (0)

වැස්සෙන් මරණ 6ක්: කතක් අතුරුදන්:17,000ක් පීඩාවට

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 207 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 262 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1167 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site