(තරිඳු ජයවර්ධන)
ගම්පහ රතුපස්වල පිරිසිදු පානීය ජලය ඉල්ලූ ප්රදේශවාසීන්ට යුද හමුදාවෙන් වෙඩි තැබූ අවස්ථාවේ රවිශාන් පෙරේරා නම් සිසුවාට වෙඩි තැබූ ස්ථානයේ මූනිස්සම් කොටස් සොයා අපරාධ පරීක්ෂණ දෙපාර්තමේන්තුව අද (18) පැය හතරක් පුරා විශේෂ සෝදිසි මෙහෙයුමක් කළේය.
වැලිවේරිය හෙලන්වත්ත පාරේ පිහිටි එම ස්ථානයේ තාප්පවල අද (18) වන විටත් වෙඩි සලකුණු තිබිණි.
වෙඩි සලකුණු සහිත ප්රදේශවල පාර අයිනේ මතුපිට පස් ඉවත් කරමින් රහස් පොලිසිය මූණිස්සම් කොටස් තිබේදැයි සොයා බැලීය. පැය හතරක් පුරා සෝදිසි කළත් මූණිස්සම් කොටස් සොයා ගැනීමට නොහැකි විය.
කොළඹ අධිකරණ වෛද්ය විශේෂඥ අජිත් තෙන්නකෝන් මහතා එම ස්ථානයට ගෙන්වා යළිත් විමර්ශනයක් සිදු කිරීමට නියමිතය.
වැලිවේරිය හෙලන්වත්ත පාරේ මීටර 150ක් පමණ ඇතුළට වන්නට පිහිටි එම ස්ථානයේ සෝදිසි මෙහෙයුම් අද (18) උදේ 10.30ට පමණ ආරම්භ වූ අතර සවස 2.30ට පමණ සෝදිසි මෙහයුම අවසන් කෙරිණ.
අපරාධ පරීක්ෂණ දෙපාර්තමේන්තුවේ විශේෂ විමර්ශන අංශයේ ස්ථානාධිපති ප්රධාන පොලිස් පරීක්ෂක රංජිත් මුණසිංහ මහතාගේ සහ උප පොලිස් පරීක්ෂක උපාලි බණ්ඩාර මහතාගේ මෙහෙයවීමෙන් කරන ලද සෝදිසියට වැලිවේරිය පොලිසියේ සහ ගම්පහ සොකෝ අංශයේ නිලධාරීහු ද එක්ව සිටියහ.
2013 අගෝස්තු පළමු වැනි දා යුද හමුදාවෙන් කළ වෙඩි තැබීමෙන් පාසල් සිසුන් දෙදෙනෙක් ඇතුළු තිදෙනෙක් මිය ගියහ. තවත් විශාල පිරිසක් තුවාල ලැබූහ. මෙම වෙඩි තැබීමේ දී රමිල රවිශාන් පෙරේරා නම් සිසුවා මිය ගිය ස්ථානය මීට පෙර පරීක්ෂණ පැවැත්වූ කොළඹ අපරාධ කොට්ඨාසය හඳුනාගෙන නොතිබිණි. අපරාධ පරීක්ෂණ දෙපාර්තමේන්තුව පැවැත්වූ විමර්ශනයේදී සිද්ධියෙන් වසර තුන හමාරකට පමණ පසු පසුගිය අපේ්රල් මාසයේ දී එම ස්ථානය හඳුනා ගත් බව රහස් පොලිසිය මීට පෙර අධිකරණයට දැනුම් දුන්නේය.
කොළඹ ජාතික රෝහල ඇතුළු රට පුරා ජාතික, දිස්ත්රික්, මූලික සහ ප්රාදේශීය යන රජයේ රෝහල්වල දැඩි ඖෂධ සහ උපකරණ හිඟයක් පවතින බව වෛදවරු සහ රෝහල් කාර්ය මණ්ඩල පවසය
හදිසියේ විදේශ ගමන් බලපත්ර ගැනීම සඳහා පාසල් ක්රීඩා සංගම් ඇතුළු පාසල් බලධාරීන් පාසල් දරුවන් යොමු කිරීමෙන් එම දරුවන් සහ ආගමන විගමන දෙපාර්තමේන්තුවේ නි
නව ත්රිවිධ හමුදාපතිවරු ජනාධිපති කාර්යාලයේ දී අද (6) පස්වරුවේ සේනාධිනායක, ජනාධිපති අනුර කුමාර දිසානායක මහතා හමු වූහ.
ජාත්යන්තර මූල්ය අරමුදල සමග එකඟ වී ඇති විස්තීර්ණ ණය පහසුකම් වැඩසටහනේ ප්රගතිය පිළිබඳව ජනාධිපති අනුර කුමාර දිසානායක මහතා සහ ජාත්යන්තර මූල්ය අරමුද
කොළඹ කොටුවේ ක්රිෂ් ගොඩනැඟිල්ලේ ගින්නක් හටගෙන ඇතැයි පොලිසිය කියයි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
වසර හතරකට පසු රතුපස්වල මූනිස්සම් සොයයි
vipula Friday, 19 May 2017 02:37 AM
මාතලේ පසුගිය අවුරුදු වල හැට දෙනෙකුගේ ඇටකටු හමුවුනා රෝහලට අලුත් ගොඩනැගිල්ලක් සැදීමට පටන් ගත කාලේ . එකත් විමර්ශනය කරන්න.
sanju Friday, 19 May 2017 02:41 AM
දැන් ඉතින් මොකක් හොයන්නද. මේකේ බුලට් හොයන්නේ නැතුව මේකට වෙඩි තියන්න අවසර දීපු අය හොයල දඬුවම් කරන එක තමයි හොඳ.
narada Friday, 19 May 2017 03:07 AM
පුදුම විහිළු වැඩ..
කොබා Friday, 19 May 2017 09:39 AM
අවනීතියක තරම, අවුරුදු 4ක් ගියාද මූලික පරීක්ෂණ කරන්න? මේක නම් පුදුමාකාර අවාසනාවක්.
asamantha Friday, 19 May 2017 10:10 AM
වසරේ හොඳම විහිලුව. ඉක්මන් වැඩියි තව අවුරුදු කිහිපයක් ප්රමාද වුනාට කමක් නැහැ
Nandalal DE SILVA - France Friday, 19 May 2017 02:09 PM
වසර 4 කට පස්සේ මුනිස්සම් හොයන්න අණ දීපු එක්කෙනාගේ මොළේ පරීක්ෂාවක් කලින් කරා නම් අද මෙවැනි විමසුම් කරන්න අවශ්ය වෙන්නේ නැහැ. වෙරළ පැත්තේ ගියා නම් "මුනිස්සම්" වෙනුවට, හොද්දක් උයන්න "කුනිස්සන්" ටිකක් හොයා ගන්න තිබ්බා, මේ නිලධාරීන්ට !!!!