(තරිඳු ජයවර්ධන සහ බිඟුන් මේනක ගමගේ)
 
ජාතික පොලිස් කොමිෂන් සභාව අලුතින් පිහිටුවීමෙන් පසු පොලිසියට එරෙහිව ලැබුණු මහජන පැමිණිලිවලින් සියයට 89ක් විමර්ශනය කර අවසන් බව එම කොමිෂන් සභාව කියයි.
 
2015 ඔක්තෝබර් 10 වැනි දා සිට 2018 මැයි 30 වැනි දා තෙක් පොලිසියට එරෙහිව මහජන පැමිණිලි 4437ක් ලැබුණු බවත්, එම පැමිණිලිවලින් 3963ක් විමර්ශනය කර අවසන් කළ බවත් ජාතික පොලිස් කොමිෂන් සභාවේ උසස් නිලධාරියෙක් ලංකාදීපයට පැවසීය.
 
මෙම පැමිණිලි අතුරෙන් වැඩිම පැමිණිලි ලැබී ඇත්තේ පොලිසියේ නොසැලිකිලිමත් භාවය පිළිබඳව බවත්, චෝදනා ලත් පොලිස් නිලධාරීන්ට එරෙහිව විනයානුකූල ක්‍රියාමාර්ග ගත් බවත් එම ප්‍රකාශකයා පැවසීය.
 
ඉතිරි පැමිණිලි ද කඩිනමින් විමර්ශනය කිරීමට කටයුතු කරන බව කී එම නිලධාරියා ඒවා ප්‍රමාධ වන්නේ පොලිසියෙන් ලැබෙන ඇතැම් වාර්තා ප්‍රමාද වීම නිසා යැයි ද සඳහන් කළේය.
 
19 වැනි ආණ්ඩුක්‍රම ව්‍යවස්ථා සංශෝධනය අනුව ජාතික පොලිස් කොමිෂන් සභාව අලුතින් පිහිටවූයේ 2015 ඔක්තෝබර මාසයේදීය.