(නිමන්ති රණසිංහ)

පුද්ගලයින් 11 දෙනෙකු අතුරුදන් කිරීමේ සිද්ධියකට අදාළව කොටුව මහේස්ත‍්‍රාත් අධිකරණයෙන් වරෙන්තු නිකුත් කරනු ලැබ සිටින නාවික ලූතිනන් ප‍්‍රසාද් චන්දන කුමාර හෙවත් ‘සම්පත්’ නැමැත්තා අතුරුදන් වී ඇතැයි ඔහුගේ බිරිද කළ පැමිණීල්ලක් සම්බන්ධයෙන් පරීක්ෂණයක් ආරම්භ කළ බව වැල්ලම්පිටිය පොලිසිය කොළඹ අතිරේක මහේස්ත‍්‍රාත් රංග දිසානායක මහතා ඉදිරියේ කරුණු වාර්තා කර ඇත.

තම සැමියා රැකියාවට ගොස් නැවත නොපැමිණී බව සදහන් කරමින් නාවික ලූතිනන් ප‍්‍රසාද් චන්දන හෙට්ටිආරච්චි මහතාගේ බිරිද වූ චතුරිකා නදීෂානී වීරවික‍්‍රම මහත්මිය විසින් මෙම පැමිණීල්ල වැල්ලම්පිටිය පොලීසියට සිදුකරනු ලැබ ඇත්තේ ඉකුත් අපේ‍්‍රල් 24 වැනිදාය.