වත්කම් බැරකම් පැහැර හරින්නන්ට දඩය වැඩිවෙයි

(සුජිත් හේවාජුලිගේ)

වත්කම් බැරකම් ප්‍රකාශ බාර දීම පැහැර හරින දේශපාලනඥයින් ඇතුළු රජයේ නිලධාරීන්ට මෙතෙක් නියම කෙරුණු රුපියල් දහසේ දඩ මුදල රුපියල් ලක්ෂය දක්වා වැඩි කිරීමට පියවර ගෙන ඇතැයි අල්ලස් හෝ දුෂණ චෝදනා විමර්ශන කොමිෂන් සභාව පවසයි.

මේ සම්බන්ධයෙන් නව නීතී කෙටුම්පත් සකස් කිරීම මේ දිනවල සිදුකරගෙන යන බව අල්ලස් කොමිස‍මේ කොමසාරිස් නෙවිල් ගුරුගේ මහතා පැවසීය.

රජයේ නිලධාරීන්ගෙන් සියයට 75 ක් පමණ වත්කම් බැරකම් බාරදීම පැහැර හරින තත්ත්වයක් පෙනෙන්නට ඇතැයිද ගුරුගේ මහතා කීවේය.

දේශපාලනඥයින් ඇතුළු රජයේ නිලධාරීන් තම ආයතන ප්‍රධානීන් වෙත වත්කම් බැරකම් ප්‍රකාශ බාරදීම කළ යුතු වෙයි.

මේ අතර සිය වත්කම් බැරකම් ප්‍රකාශ ලබන ජුනි මස 30 වැනිදාට පෙර බාර දෙන්නැයි පාර්ලමේන්තු මහ ලේකම් ධම්මික දිසානායක මහතා සියළුම පාර්ලිමේන්තු මන්ත්‍රීවරුන්ට දැනුම්දී ඇත.

අදහස් (9)

වත්කම් බැරකම් පැහැර හරින්නන්ට දඩය වැඩිවෙයි

Sampath Friday, 30 March 2018 10:25 AM

වගකීමෙන් කියන්නේ.., කොළඹ වරායේ 2වන දොරටුව අසල අල්ලස් කොමිසමේ කෙනෙක්ව තිබ්බා නම් දවසට රුපියල් ලක්ෂයකට වඩා අල්ලස් ගන්න රේගු නිලධාරීන්ව බලාගන්න පුළුවන්. එයින් පිටවෙන හැම වාහනයකින්ම මොවුන් අල්ලස් ගන්නවා. එහෙම අරගෙන වාහන පරීක්ෂා නොකර පිටවීමට අවසර දෙනවා.

: 68 143

SanathFriday, 30 March 2018 12:18 PM

රේගු නිලධාරීන්ට දෙන වැටුප හොඳටම මදියි. අතිකාල දීමනා සහ බටා නිසාත් කලාතුරකින් ලැබෙන රිවෝර්ඩ් නිසාත් ඔවුන් රැකියාවට ගැලපෙන යහපත් ජීවිකාවක් ගතකරයි. නමුත් වියදම වැඩිවූවිට විකල්පය මෙයයි.

: 87 50

rohana kumara mendisSaturday, 31 March 2018 04:12 PM

සනත් මහත්තයෝ කවුද කියන්නේ රේගු නිලධාරීන්ට වැටුප මදී කියලා. ලංකාවේ හොදම වැටුප් ගන්න අය තමයි ඔය රේගුව ආගමන විගමන අය හොදේ.

: 2 2

divya puthraSaturday, 31 March 2018 12:48 PM

එතැන ඉන්නේ රේගු නිලධාරීන් නෙමෙයි. වරාය අධිකාරියේ ආරක්ෂක කට්ටිය. දන්නේ නැති දේවල් බොරුවට කියවන්න එපා පණ පිහිටුවලා..

: 18 38

Sanka Friday, 30 March 2018 10:45 AM

දඩය කෝටි 20 දක්වා වැඩි කළා නං හරි...

: 0 48

ඩී. ජයදේව Friday, 30 March 2018 12:00 PM

හරි නම් කරන්න ඕනෑ දඩය හෙලි නොකළ වත්කමින් 50% කරන එක. කෝටි 50-60 අයථා ලෙස උපයාගත්ත අයට ලක්ෂයක් දැනෙන්නෙත් නෑ.

: 0 57

ishini Friday, 30 March 2018 02:43 PM

දඩය හොඳටම මදි. වත්කම් බැරකම් බොරු කරන්නේ කෝටිපතියෝ. එමනිසා අඩුගණනේ තම සඟවන වත්කමෙන් 50% වත් දඩ වශයෙන් අය කර ගැනීමේ ක්‍රමයක් තිබිය යුතුයි.

: 0 46

Chanak Los angeles Saturday, 31 March 2018 07:13 AM

මේ කියන විදියට රටේ ලොකුම හොරු, දේශපාලකයෝ කියලයි පිළිගන්න වෙන්නේ.. නමුත් කාගේත් පිළිගැනීම දේශපාලනය වැදගත් කර්තව්‍යයක් කියලනේ ... එහෙනම් අපි අහනවා එය වැදගත් කර්තව්‍යයක් නම් ඇයි එම කර්තව්‍යයේ යෙදී ඉන්න දේශපාලකයෝ එම පදවියට ගරු නොකොට මේ ලිපියේ කියලා තිබෙන විදියට වංචා සහගත ලෙස ක්‍රියා කරන්නේ කියා?

: 0 13

sathya Saturday, 31 March 2018 11:05 PM

දඩය මුදල තීරණය කරන්න හොදම විදිය වෙන්න ඕන හොරකම් කරපු මුදලට සාපේක්ෂව නේද . ප්‍රකෝටි ගනම් හොරකම් කරපු කෙනෙකුට ඔය මුදට පාලමක් යටින් පොල්ලෙල්ලක් ගියා වගේ වේවි. අපේ රට නිවැරදිව ගොඩනගන්න වඩාත් නිවැරදි තීරණ අත්‍යවශ්‍යයි.

: 0 0