ලක්ෂපාන විදුලි සංකීර්ණයේ 400 ක් සේවා වලින් ඉවත්වෙති

(රංජිත් රාජපක්‍ෂ)

ලක්‍ෂපාන ජල විදුලි බලාගාර සංකිර්ණය යටතේ පාලනය වන ජල විදුලි බලාගාර සේවකයින්ගෙන් 90%ක් පමණ අද (13)දහවල් 12 සිට සේවාවලින් ඉවත් වූ බව ලක්‍ෂපාන විදුලි සේවක සංගමයේ විධායක සභික විදුලි අධීකාරි ඩබ්ලිවි.එමි.ජේ.ඒ ප‍්‍රනාන්දු මහතා පවසයි.

ලං.වි.ම වෘත්තිය සමිති කිහිපයක් ආරම්භ කර ඇති වැඩ වර්ජනයට සහයෝගය දක්වමින් මෙලෙස සේවාවලින් ඉවත් වූ බවද ඒ මහතා කියයි.

කැනියොන් , ලක්‍ෂපාන , නව ලක්‍ෂපාන , පොල්පිටිය සහ විමලසුරේන්ද්‍ර යන ජල විදුලි බලාගාරවල සේවකයින් 450කගෙන් 400ක් පමණ මෙම වැඩ වර්ජනයට එක්වූ බවද ඒ මහතා ප්‍රකාශ කරයි.

වැඩවර්ජනයට එක් නොවූ සීමිත සේවක පිරිසගෙන් විදුලිය බිඳ වැටිමකින් තොරව අඛණ්ඩව විදුලිය ලබාදිමට නොහැකි බවද ඒ මහතා කියයි.

හැටන් විදුලි පාරිභෝගික සේවා මධ්‍යස්ථානයේ සේවකයින් කිහිප දෙනෙක් ද වැඩ වර්ජනයට එක්වූහ.

විදුලිය බිඳවැටිමකින් තොරව හැටන් පාරිභෝගික සේවා මධ්‍යස්ථානය යටතේ පාලනය වන සියළුම විදුලි පාරිභෝගිකයන්ට විදුලිය ලබාදිමට උපරිම අයුරින් කටයුතු කරන බව එම මධ්‍යස්ථානයේ විදුලි අධිකාරි එස්.එම්.එන් සමරකෝන් මහතා පවසයි.

අදහස් (8)

ලක්ෂපාන විදුලි සංකීර්ණයේ 400 ක් සේවා වලින් ඉවත්වෙති

Nalin Wednesday, 13 September 2017 10:14 AM

ඔතන බලන් ඉන්නේ නැතුව ගිහින් සයිටම් රැළියට එකතු වෙන්න.

: 80 50

bandara Wednesday, 13 September 2017 10:50 AM

හොරට පඩි වැඩි කරගත්තද දන්නෑ.... පුහුල්හොරා කරෙන් දැනේ...

: 0 23

semasinha Wednesday, 13 September 2017 11:02 AM

නිදහස් අධ්‍යාපනය මගින් බිහිකර ඇති ඉංජිනේරුවන් එම සුදුරෙදි පොරවාගෙන ලංකා විදුලි බල මණ්ඩයේ අනෙකුත් සියලුම සේවකයන්ට වහල් සේවකයන් සේ සලකන බව ඔබ දන්නවාද?

: 60 337

Raveendra Wednesday, 13 September 2017 11:06 AM

තමන්ගේ ඉල්ලීම් දිනාගැනීමට වැඩ වර්ජන කිරීමට අප සැමටම ඇති අවකාශය ගැන කිසිඳු ගැටළුවක් නැත. නමුත් එසේ වර්ජනය කිරීමට පෙර අප කරන රාජකාරිය අවංකව කරනවද යන්න අප අපගෙන්ම ඇසීම වඩාත් වැදගත්වේ. දැන් මගේ මෙම අදහසට මගේ බඩකට පුරා අදහස් ගලා එනඑක ගැන කිසිඳු කණගාටුවක් නොමැත. අප අපට අවංකව වැඩනොකරන නිසා තමා අවුරුදු 60, 70 පමණ කාලය තිස්සේ ශ්‍රී ලංකාව සංවර්ධනය වෙමින් තවමත් පවතින්නේ....

: 8 61

nishantha Wednesday, 13 September 2017 11:41 AM

අධ්‍යාපනය යනු, හිතක් පපුවක් නොමැති මොලයක් පමණක් ඇති කඳක් බිහි කිරීමද? තමුන්ගේ බඩ ගෝස්තරය පුරවාගෙන අනෙකා තලාපෙලා දමන මෙම දූෂිත ඉංජිනේරු මාෆියාව දැන් විදුලි බිල වැඩි කලයුතු බවට මොර දේ. දිවා රැය තුල, ලයිට් කණු උඩ, යකඩ ඇණ මත හිටගෙන සේවකයන් කරන අවදානම් රාජකාරිය මෙම සීත කාමර වල සිටින අයට විනෝදයක් පමණක් වී තිබේ. නැවත අප රට වහල් යුගයකට යනවාද?

: 2 105

Kumara Wednesday, 13 September 2017 02:33 PM

ජල විදුලි බලාගාර 5 ට, සේවකයෝ 450ක් ... රටක් දියුණු වෙයිද ඉතින්...

: 0 0

මම1 Wednesday, 13 September 2017 03:42 PM

මේ ගොල්ලෝ එලියේ ඉන්නකොට විදුලිය නිපද වෙනවා කියන්නේ මේ අය අතිරික්ත සේවකයෝ. අනික විදුලි බල බණ්ඩලය කියන්නේ වැටුප් වැඩිම තැනක්. රියැදුරෙකුට පඩිය ලක්ෂයකට එහා. වැඩ කරන්න බැරිනම් ගෙදර යන්න කියන්න ජේ.ආර්. කෙනෙක් නැති හැටි...

: 138 0

niresh Wednesday, 13 September 2017 04:25 PM

මෝඩයෝ වගේ හැසිරෙනවා කිසිම දෙයක් හිතන්නේ බලන්නේ නැතුව. මේ සේරම කට්ටියව අයින් කරලා අලුතින් මිනිස්සු ගන්න. එතකොට තේරෙයි.

: 211 0