(සුජිත් හේවාජුලිගේ )

සෞඛ්‍යය වෘත්තීයවේදීන්ගේ ඉල්ලීමට ඇහුම්කන් දෙමින් ජනාධිපති ගෝඨාභය රාජපක්ෂ මහතා ප්‍රමුඛ රජය   ජනතාවගේ ආරක්ෂාව වෙනුවෙන් රටපුරා සංචරණ සීමා පැනවීමට  ගත් තීරණය ඉතා අගය කරන බව විශේෂඥ වෛද්‍යවරුන්ගේ සංගමය පවසයි.

සංචරණ සීමා හේතුවෙන් රටේ ආර්ථිකයට යම් බලපෑමක් එල්ල වුවද ජනතාවගේ ජීවිත වලට ඇතිවන  හිතකර බලපෑම අවතක්සේරු කළ නොහැකි බවත් බහුතර මහජනතාවගේ ජීවිතවල වටිනාකම තාවකාලික ආර්ථික පසුබෑමට වඩා වටිනා බවත් එම සංගමය පෙන්වා දෙයි .

සංචරණ සීමා පැනවීමට රජය තීරණය නොකළේ නම් ආසාදිතයන්ගෙන්  ප්‍රතිකාර මධ්‍යස්ථාන පිරී ගොස්  සෞඛ්‍ය සේවාව අඩාල වී රෝගීන් බොහෝ පිරිසක්  මියයා හැකිව තිබූ බව පවසන   විශේෂඥ වෛද්‍යවරුන්ගේ සංගමය  කෙසේ වෙතත් රෝගය පාලනය කළ හැකි මට්ටමට පැමිණෙන තෙක් සංචරණ සීමා තවදුරටත් පවත්වාගෙන   යන්නයි ද  ඉල්ලීමක් කරයි.

ජනාධිපතිවරයාගේ තීරණය  නැවත නැවතත් අගය කරන බවද එම සංගමය වැඩිදුරටත් සඳහන් කරයි .