( තිළිණි ද සිල්වා )

ශ්‍රී ලංකාව සඳහා පත් කෙරුණු නව තානාපතිවරුන් 4 දෙනෙක් අද (06)  ජනාධිපති මෛත්‍රීපාල සිරිසේන මහතා වෙත අක්ත පත්‍ර බාරදුන් බව විදේශ කටයුතු අමාත්‍යාංශය සඳහන් කරයි.

ඒ අනුව මැලේසියාව සහ සැම්බියාව නියෝජනය කරමින් මහ කොමසාරිස්වරු දෙදෙනෙකුද ,  ස්විස්ටර්ලන්තය සහ ගෝතමාලාව සඳහා නව ශ්‍රී ලංකා තානාපතිවරු දෙදෙනෙක් මෙලෙස අක්ත පත්‍ර බාර දී ඇත.

මැලේසියානු රජය විසින් ශ්‍රී ලංකාවේ නව මහ කොමසාරිස්වරයා ලෙස ටැන් යැන්ග් තායි මහතාද , සැම්බියානු ජනරජය විසින් ශ්‍රී ලංකාවේ නව මහකොමසාරිස්වරිය ලෙස ජුඩිත් කන්ග් ඔමා කපිජිම්පන්ගා මහත්මිය ද , ලංකාවේ ස්විට්සර්ලන්ත නව  තානාපතිවරයා ලෙස හෑන්ස්පීටර් මොක් මහතාද  , ගෝතමාලා රජය විසින් ශ්‍රී ලංකාවේ නව තානාපතිවරයා ලෙස ජොවන්නි රෙනේ කස්ත්‍රිලෝ පොලන්කෝ මහතාද පත් කොට තිබේ.

ඉහළ ජාත්‍යන්තර සහයෝගයක් සමඟ සංවර්ධනයෙත් සංහිඳයාවේත් අරමුණු ජයග්‍රහණය කිරීම සඳහා ශ්‍රී ලංකාව යන ගමනේදී නව රාජ්‍ය තාන්ත්‍රිකයන් ද ඊට උපරිම සහය ලබාදෙනු ඇතැයි තමා විශ්වාස කරන බව අක්ත පත්‍ර බාරදීමෙන් පසු ජනාධිපතිවරයා ප්‍රකාශ කරන ලදී.