(ඩයනා උදයංගනී)

දිවයිනේ ප්‍රදේශ රැසකට ඊයේ (1) සහ අද (2) දිනවල ඇද හැලුණු මහ වැසි හා හමා ගිය තද සුළං හේතුවෙන් පවුල් 2500 කට පමණ අයත් 10,000 ක පමණ පිරිසක් පීඩාවට පත්ව ඇති බව ආපදා කළමනාකරණ මධ්‍යස්ථානය පවසයි.

ගාල්ල, වව්නියාව, මුලතිව්, මන්නාරම, ත්‍රිකුණාමලය, ගම්පහ, හම්බන්තොට, පුත්තලම, ආදී දිස්ත්‍රික්කවල ජනතාව මෙම වැසි සහ සුළං හේතුවෙන් වැඩි පීඩාවකට ලක්ව ඇති බව ආපදා කළමනාකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිප්පිලි මහතා පැවසීය.

මෙයින් එම දිස්ත්‍රික්කවල නිවාස 33 ක් සම්පූර්ණයෙන් විනාශ වී ඇති අතර තවත් නිවාස 555 කට අර්ධ හානි සිදුව තිබේ  
මෙහි වැඩිම බලපෑමක් එල්ල වී ඇත්තේ ගාල්ල දිස්ත්‍රික්කයට වන අතර එම දිස්ත්‍රික්කයේ ප්‍රාදේශීය ලේකම් කොට්ඨාශ 6කට අයත් පවුල් 1,671 ක 7,166 දෙනෙක් පීඩාවට පත්ව සිටිති.