(බී බී සී පුවත් ඇසුරිණි-085)

බටහිර ඕස්ට්‍රේලියාවේ සර්ෆින් ක්‍රීඩාව සඳහා ප්‍රසිද්ධ ස්ථානයක් වන එස්පරන්ස්හි දී සර්ෆින් ක්‍රීඩාවේ යෙදෙමින් සිටි 17 හැවිරිදි තරුණියක මෝරකුගේ ප්‍රහාරයට ලක්ව මියගොස් ඇතැයි වාර්තා වේ.

සිද්ධිය වන අවස්ථාවේ ඇගේ මව, පියා සහ ඥාතීන් දෙදෙනකු ද එම ස්ථානයේ සිට ඇත. තරුණිය වහාම රෝහල් ගත කළද මෝරා සපාකෑමෙන් ඇතිවූ බහුවිධ තුවාල හේතුවෙන් ඇය මියගිය බව වෛද්‍යවරු පවසති.

2014 වර්ෂයේ මෙම ස්ථානයේදී මෝර ප්‍රහාරයකට ලක්වීම නිසා සර්ෆින් ක්‍රීඩාවේ යෙදුන පුද්ගලයෙකුට සිය දෙඅත් අහිමි විය. මෙය බටහිර ඕස්ට්‍රේලියාවේ පසුගිය මාස 12ක කාලය ඇතුලත සිදුවූ තෙවන මාරාන්තික මෝර ප්‍රහාරයයි.සිද්ධියෙන් පසු පැය 48ක කාලයක් සඳහා වෙරළ තීරය වසා දැමූ බව බලධාරීහු පවසති.