ඉන්දියාවේ මුම්බායි නගරයේ ගොඩනැගිල්ලක් කඩා වැටීමෙන් 11දෙනක් පමණ මියගොස් ඇතැයි වාර්තා වේ. සුන්බුන් අතර සිරවී සිටිතැයි සැක කරන 20දෙනක් පමණ සොයා මෙහෙයුම් ක්‍රියාත්මක කර ඇති බව ආපදා මෙහෙයුම් මධ්‍යස්ථානය පවසයිග තුවාල ලැබූ 16ක් පමණ රෝහල් ගත කර ඇති අතර ඔවුන්ගෙන් හය දෙනකුගේ තත්ත්වය බරපතල බව පැවසේ.

මහල් පහකින් සමන්විත ගොඩනැගිල්ලේ පවුල් 11ක් පමණ පදිංචිව සිටි බවද පෙර පාසලක් පවත්වාගෙන ගිය බවටද තොරතුරු ලැබී ඇතැයි පොලිසිය සඳහන් කර ඇතග මෙම ගොඩනැගිල්ල වසර 100ක් පමණ පැරණි එකකි.

පසුගිය දිනවල මුම්බායි නගරයේ පැවතුන අධික වැසි සහ ගංවතුර තත්ත්වය හේතුවෙන් ගොඩනැගිල්ල කඩාවැටෙන්නට ඇතැයි සැක කරන බව පොලිසිය පවසයි. මෙය මාසයක පමණ කාලයක් ඇතුලත මුම්බායි නගරයේ කඩා වැටුණු තෙවන ගොඩනැගිල්ලයි.

:ස්කයි පුවත් ඇසුරිණි - 085*