(ඩී.ජී.සුගතපාල)

පුද්ගලයකුට පහරදි බරපතල තුවාල සිදුකර , ඔහුගේ  බිරිඳ ඝාතනය කිරීම සම්බන්ධ අධි චෝදනාවන්ට වරදකරුවු විත්තිකරුවෙකුට දකුණු පළාත් බද ගාල්ල මහාධිකරණ විනිසුරු ඩබ්ලිව්. පී.එස් නිශ්ශංක මහතා අද  (04)මරණ දණ්ඩනය නියම  කළේය.

මෙසේ මරණිය දණ්ඩනය නියමවුයේ ගජනායක පතිරගේ රංජිත් කුමාර හෙවත් අලි කුමාර නමැති විත්තිකරුවෙකුටය.
 
හිනිදුම පොලිස් වසමට අයත් හබරකඩ තවලමදි 2004 ජූලි 31වනදින නිති විරෝධි රැස්විමක සාමාජිකයින්විම ඕපාත කංකානම්ගේ නන්දාවති (41) යන අයගේ මරණය සිදු කිරිම එම ක්‍රියා කලාපයේදිම තුඹගොඩ ගණිතගේ ටිල්සන් යන අයට පහරදි තුවාල සිදු කොට මිනි මැරිමට තැත් කිරිම ඇතුලු අධි චෝදනා පහක් යටතේ විත්තිකරුට එරෙහිව මෙම නඩුව පවරා තිබිණි.
 
සිද්ධියවු දින රාත්‍රි හතට පමණ තුවාලකරුවන ටිල්වින් යනඅය කෙසෙල් ගෙඩි විකුණා නිවසට එමින් සිටියදි විත්තකරු පැමිණිල්ල නොදත් අන් අය සමග පහරදි පසුව නිවසට ගොස් ඔහුගේ බිරිඳට පොල්ලකින් පහරදි ඝාතනය කර ඇති බවත් විත්තිකරු වෙනත් අපරාධයක් සඳහා මේ වනවිට බලපිටිය මහාධිකරණයෙන් පනවන ලද දස අවුරුදු සිර දඩුවමක් විඳිමින් සිටින අයෙකු බවත් එම සිර දඩුවම අවසන් විමට ඇත්තේ තවත් මාස දෙකක කාලයක් බවත් නඩු විභාගයේදි අනාවරණය විය.
 
ඉඩම් ආරවුලක් සම්බන්ධයෙන් පැවති ආරවුලක් හේතුකොටගෙන මෙම අපරාධය කර ඇති බවත් නඩු විභාගයේදි අනාවරණය විය.විත්තිකරු වෙනුවෙන් රජයෙන් පත්කල නිතිඥ දස්නි පියසිරි මහත්මිය පෙනි සිටි අතර පැමිණිල්ල වෙනුවෙන් හිනිදුම පොලිසියේ සැරයන් හේවාගම (9838) මහතා අධිකරණයේ පෙනි සිටියේය.