බිරියගෙන් කොසු පහර කෑ දොස්තරට අනියම් බිරියෝ 5 ක් දරුවෝ 13 ක්

(ශ්‍රීනාත් ප්‍රසන්න ජයසූරිය)

තම බිරිඳ කොස්සක් කැඩෙන තුරු තමාට පහරදුන් බවට පොලිසියට පැමිණිල්ලක් කළ වෛද්‍යවරයකුට එම නිත්‍යානුකූල බිරියට අමතරව අනියම් බිරියන් පස්දෙනකු සමග දරුවන් 13 දෙනකු සිටින බව පැමිණිලි විභාගයේදී අනාවරණය වී යැයි කොල්ලුපිටිය පොලිසිය කීය.

නිත්‍යානුකූල බිරියටද ඔහුට දාව දරුවන් තිදෙනකු සිටින අතර මේ තිදෙනාගෙන් අවුරුදු 2 1/2ක් වයසැති දරුවා රැගෙන යාමට ඔහු පැමිණි අවස්ථාවේදී බිරිය කොස්සක් කැඩෙන තුරු ඔහුට පහරදී ඇති බව හෙළිවීයැයිද පොලිසිය පවසයි.

බිරියගේ කොසු ප්‍රහාරය නොතකා දරුවා රැගෙන ගිය වෛද්‍යවරයා එම දරුවා සිය දෙවැනි අනියම් බිරිය බාරයට පත්කර සිටියදී කොල්ලුපිටිය පොලිසිය මැදිහත් වී දරුවා මුදාගෙන නිත්‍යනුකූල බිරියට බාරදී ඇත.

තමාගේ බිරිය තමාට කොස්සක් කැඩෙන තුරු පහරදුන් බවට වෛද්‍යවරයා කර තිබූ පැමිණිල්ල කොළඹ දකුණ සහකාර පොලිස් අධිකාරි ඊ.එස්. දයාරත්න මහතාගේ විශේෂ උපදෙස් මත කොල්ලුපිටිය පොලිසියේ වැඩබලන ස්ථානාධිපති පොලිස් පරීක්‍ෂක ප්‍රදීප් වික්‍රමරත්න මහතා සහ ළමා හා කාන්තා කාර්යාංශයේ ස්ථානාධිපති කාන්තා පොලිස් පරීක්‍ෂිකා ඉනෝකා කුමාරි මහත්මිය හමුවී විභාගයට ගෙන ඇති අතර පැමිණිලි විභාගය සඳහා පැමිණිලිකාර වෛද්‍යවරයා ද, ඔහුගේ නිත්‍යානුකූල බිරිඳ ද කොල්ලුපිටිය පොලිස් ස්ථානයට ගෙන්වා තිබිණි.

එම්.බී.බී.එස්. උපාධිධාරියකු වූ වෛද්‍යවරයා කොළඹින් පිට පළාතක ශික්‍ෂණ රෝහලක සේවය කරමින් සිටියදී සේවය අතහැර ගොස් ඇති බව පැමිණිලි විභාගයේදී අනාවරණය වී තිබේ.

වෛද්‍යවරයාගේ නිත්‍යානුකූල බිරිය වෛද්‍යවරයාට අයත් කොල්ලුපිටිය ප්‍රදේශයේ සුපිරි නිවසක සිය දරු තිදෙනා ද සමග පදිංචිව සිටින බවද අනාවරණය වී ඇත.

වෛද්‍යවරයාට අනියම් බිරියන් පස් දෙනකුද ඔවුන්ගෙන් දරුවන් 10 දෙනකු ද සිටින බව මෙම පරීක්‍ෂණයේදී හෙළි වී යැයි ජ්‍යෙෂ්ඨ පොලිස් නිලධාරියෙක් කීය.

නිත්‍යානුකූල බිරිඳ තම වෛද්‍ය සැමියාට අනියම් බිරියන් පස් දෙනෙකු සිටින බව දැනගෙන ඇතැයි කියන්නේ ඔහු විවාහ කරගෙන ටික කාලයක් ගතවීමෙන් පසුව යැයි කියති.

නිත්‍යානුකූල බිරිය වෛද්‍යවරයාට කොස්සකින් පහරදුන් බව කියන පැමිණිල්ල සමථ මණ්ඩලයට යොමු කළ බවද කොල්ලුපිටිය පොලිසිය කියයි.

අදහස් (14)

බිරියගෙන් කොසු පහර කෑ දොස්තරට අනියම් බිරියෝ 5 ක් දරුවෝ 13 ක්

උපුල් Thursday, 27 September 2018 05:47 AM

ජනග්‍රහන අනුපාතිකයට සැලකිල්ලට ගෙන වැඩකරන වෛද්‍යවරයෙක්

: 3 149

Dilan Thursday, 27 September 2018 06:02 AM

ජාතිය වඳවෙනවා කිය කිය කට්ටිය හූල්ල හූල්ල ඉන්න අතරේ මෙතුමා තනියම සටනට බැහැලා වගෙයි.

: 2 464

Shan Thursday, 27 September 2018 06:14 AM

ඕව පාදෙනියට දන ගන්න තියන්න එපා, වර්ජනය කරයි.

: 1583 1337

Uditha - London Thursday, 27 September 2018 07:00 AM

කොස්සෙන් නෙමේ ගහන්න වටින්නේ.. හොඳයි වෛද්‍යවරයෙක් ඔහොම වැඩ කලා..... ඕකට කියන්නේ අසීමිත කාම ආශාව.. වෙන දෙයක් නෙමේ..

: 242 340

ලසන්ත Thursday, 27 September 2018 07:08 AM

හම්බවෙන පඩියෙන් කොහොමද පවුල් 5ක් නඩත්තු කරන්නේ? තව තව වර්ජන කරල පස් ගුණයකින් වත් පඩි වැඩි කරගන්න වෙයි.

: 62 298

OMG Thursday, 27 September 2018 07:36 AM

ගිනස් පොතට යන්න වගේ...

: 0 25

ලුම්බිණි Thursday, 27 September 2018 09:31 AM

සේවය අතහැර නොගිහින් කොහොමද?

: 0 63

Hafeel Thursday, 27 September 2018 10:26 AM

මේක ඕන තරම් ඇති වැඩ වර්ජනයට යන්න.

: 2 31

parakkrama Thursday, 27 September 2018 01:03 PM

අහිංසක වෛද්‍යවරයාට රාජකාරිට බාධා වන අයුරින් කොස්සෙන් පහර දුන් කාන්තාව අත්අඩංගුවට ගන්නා තෙක් හෙට අනිද්දාම අඛණ්ඩ වැඩ වර්ජනයකට දොස්තරලා සුදානම් වන බැවින් රෝගීන් සියලුදෙනාම ඊට මුහුණ දීමට සැරසී සිටින මෙන් මෙයින් දැනුම් දී සිටිනු ලැබේ .

: 26 4

saranapaala Thursday, 27 September 2018 02:16 PM

මෙයට දශක කිහිපයකට පෙර අනියම් භාර්යාවන් තබා ගැනීම සාමාන්‍ය දෙයක් වුනා. කවුරුත් සමාදානයෙන් ගම්වල හිටියා. කන්න දෙන්න පුළුවන් නම් ඕක ලොකු ගැටළුවක් නොවෙයි. සිංහල සංස්කෘතිය තමයි ඔය. බටහිර බොරු සංස්කෘතියෙන් තමයි ඔය ගැටුම් ඇතිකරන්නේ. ඕකයි ඇත්ත තත්වේ.

: 0 19

Sandakelum WavitaFriday, 28 September 2018 03:08 AM

ඔව් තමන්ගේ තියන ආශාවල් ඉෂ්ඨ කරගන්න තමන්ට ඕන විදියට නීති, සංස්කෘතීන් හදාගන හිටපු ගෝත්‍රික අය එදත් අදත් හිටියා තමා.

: 0 1

savanthFriday, 28 September 2018 08:15 AM

සරණපාලට සරණ කීයක් තිබෙනවද ඔය කියන විදිහට? අනික මේ සිංහල ජාතියේ ප්‍රශ්නයක් විතරක් නෙවෙයි. අද පුවත්වල තිබෙනවා වව්නියාවේ ද්‍රවිඩ මනමාලයෙකුත් හොරෙන්ම තුන්වෙනි විවාහය කරගන්න ගිහින් දෙවෙනි බිරිඳට අහුවෙලා ගුටි කාපු හැටි. මනමාල කමයි, සංස්කෘතියයි අනාගන්නේ නැතුව ඕන දෙයක් කරගන්න.

: 4 2

Bamunuarachchi Friday, 28 September 2018 08:54 AM

අනේ දොස්තර බලමු එහෙම ලීවාම පලවෙයිද කියලා....

: 0 0

BamunuarachchiSaturday, 29 September 2018 06:18 AM

මේ අදහස් නම් පලවෙනවා...

: 0 0