(මනෝප්රිය ගුණසේකර සහ රන්ජන් කටුගම්පොළ)
2015 සහ 2016 අතර වසරක කාලයක් තුළ භාණ්ඩාගාර බැඳුම්කර ද්වීතීයක වෙළෙඳ පොළේ සිදු වු ගනුදෙනු සම්බන්ධයෙන් විගණනයක් සිදුකොට ඉන් රජයට හා ව්යවස්ථාපිත ආයතනවලට සිදුවු අලාභය ගණනය කොට දැනුම් දෙන ලෙස බැඳුම්කර කොමිසම රජයේ විගණකාධිපතිවරයාට අද (13) නියම කළේය.
පැමිණිල්ල වෙනුවෙන් පෙනී සිටින නියෝජ්ය සොලිස්ටර් ජනරාල් මිලින්ද ගුණතිලක මහතා කොමිසමෙන් කරන ලද ඉල්ලීමක් පිළිගනිමින් බැඳුම්කර කොමිසම රජයේ විගණකාධිපතිවරයාට එසේ නියම කළේය.
පැමිණිල්ල වෙනුවෙන් පෙනී සිටින නියෝජ්ය සොලිස්ටර් ජනරාල් මිලින්ද ගුණතිලක මහතාගේ මෙහෙයවීම යටතේ සාක්කි දුන් රජයේ විගණකාධිපති ගාමිණි විජේසිංහ මහතා සාක්කි දෙමින් සිටියදී කොමිසම ඇමතූ මිලින්ද ගුණතිලක මහතා 2015 පෙබරවාරී පළමුවැනිදාත් 2016 මාර්තු මස 31 වැනිදාත් අතරතුර කාලයේදී බැඳුම්කර සම්බන්ධයෙන් ද්වීතීයක වෙළෙඳ පෙළේ තොරතුරු අනුසාරයෙන් රජයට සහ ව්යවස්ථාපිත ආයතනයක සිදුව ඇති අලාභය විගණනය කරන්නැයි විගණකාධිපතිවරයාට නියම කරන්නැයි ඉල්ලා සිටියේය.
ඒ අවස්ථාවේදී ශ්රී ලංකා මහා බැංකුවේ හිටපු අධිපති අර්ජුන් මහෙන්ද්රන් මහතා වෙනුවෙන් පෙනී සිටි නීතීඥ චානක ද සිල්වා මහතා කොමිසම අමතමින් මෙම සිද්ධියට තම සේවාදායකයාගේ කිසිදු සම්බන්ධතාවක් නොමැති හෙයින් මෙම ඉල්ලීම සම්බන්ධයෙන් තමාගේ කිසිදු විරුද්ධත්වයක් නැතැයි කීය.
පර්පචුවල් ටේරෂරීස් සමාගම වෙනුවෙන් පෙනී සිටි ජනාධිපති නීතීඥ නිහාල් ප්රනාන්දු මහතා කරුණු ඉදිරිපත් කරමින් මෙම කොමිසමේ බලපත්රය අනුව මෙවැනි නියෝගයක් නිකුත් කිරීමට කොමිසමට බලයක් නැතැයි කීය.
එම තත්ත්වය අනුව මෙවැනි නියෝගයක් නිකුත් කිරීම සම්බන්ධයෙන් තමන් විරුද්ධ වන්නේ යැයි ජනාධිපති නීතීඥ නිහාල් ප්රනාන්දු මහතා පැවසීය.
ඉදිරිපත් වු සියළු කරුණු සළකා බැලීමෙන් අනතුරුව කොමිසම ඇමතූ කොමිසමේ සභාපති විනිසුරු කේ.ටී. චිත්රසිරි මහතා කොමිසමේ බලපත්රය අනුව මෙවැනි කරුණු සොයා බැලීමට හැකියාව ඇතැයි දැනුම් දුන්නේය.
ඒ අනුව කොමිසමට ලැබී ඇති බලතල අනුව කොමිසම අදාළ නියෝගය නිකුත් කළේය
පොලිස්පතිවරයා පත් කළ ආකාරය සම්බන්ධයෙන් විපක්ෂ නායක සජිත් ප්රේමදාස මහතා ආණ්ඩුක්රම ව්යවස්ථා සභා රැස්වීමේදී අද (26) සිය විරෝධය පළ කර ඇතැයි වාර්තාවේ.
මෙරට ආර්ථිකය නිවැරදි මගකට යොමු කෙරෙන ආර්ථික පරිවර්තන පනත් කෙටුම්පත සම්මත කර ගැනිමට සහාය වූ පාර්ලිමේන්තුවේ සියලු දේශපාලන පක්ෂ වෙත සිය ස්තුතිය පළ කරන බ
දෙමළ ජාතික සන්ධානය ජනාධිපතිවරණයට අපේක්ෂකයකු ඉදිරිපත් නොකරන බව එහි පාර්ලිමේන්තු මන්ත්රී නීතිඥ එම් .ඒ සුමන්තිරන් මහතා පැවසීය.
ශ්රේෂ්ඨාධිකරණය මගින් ලබා දෙන නියෝග ක්රියාත්මක කිරීමට රටේ ජනාධිපතිවරයා හා ව්යවස්ථායකය බැඳී සිටිනවා , පාර්ලිමේන්තු වරප්රසාදවලට මුවා වී එම අධිකරණ
කැබිතිගොල්ලෑව විහාර හල්මිල්ලෑව ගමේ ’’මහ කාඩිගල’’ වැව යටතේ ඇති කුඹුරු යායට පාරක් නොමැති නිසා ගොවීන් දැඩි දුෂ්කරතාවයන්ට මුහුණ දෙන බව මහා කාඩිගල කුඹුර
රටේ තරුණ පරපුර වෙනසක් ඉල්ලා ගාලුමුවදොර අරගලයක් කළ බවත් ඔවුන් ඉල්ලා සිටින වෙනස ලබාදීමට තමන් ඉදිරිපත්ව සිටින බවත් පාර්ලිමේන්තු මන්ත්රී සරත් ෆොන්සේකා
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
බැඳුම්කර ගනුදෙනුවේ අලාභය සොයන්නැයි නියෝග
wimal Tuesday, 13 June 2017 04:56 PM
අවුරුදු පහම අදී වගේ.