( චමිල් රූපසිංහ)
ඇසළ පෙරහර නැරඹීම සදහා පැමිණෙන සැදැහැවතුන් කිසිදු සැකයක් බියක් ඇති කරගත යුතු නැතැයි ආරක්ෂක ලේකම් ජෙනරාල් ශාන්ත කෝට්ටේගොඩ මහතා පවසයි.
ආරක්ෂක ලේකම් ජෙනරල් ශාන්ත කෝට්ටේගොඩ මහතා අද (04) මහනුවරට පැමිණ දළඳා වහන්සේ වැද පුදා ආශිර්වාද ගෙන මහනුවර ඇසළ පෙරහර මංගල්යයේ ආරක්ෂක කටයුතු සාකච්ඡා කිරීම වෙනුවෙන් ආරක්ෂක ප්රධානීන්ගේ සහභාගිත්වයෙන් ශ්රී දළදා මාලගාවේදී පැවැති රැස්වීමකදී ආරක්ෂක ලේකම්වරයා මේ බව ප්රකාශ කළේය.
දළඳා පෙරහැර නැරඹීම සදහා දේශිය බැතිමතුන් මෙන්ම විදේශිය සංචාරකයන් ද බහුලව පැමිනෙන බවත් මෙහි ආරක්ෂාව සදහා ජනාධිපති අග්රාමාත්ය තුමාගේ උපදෙස් මත ත්රිවිද හමුදාව ඇතුලු ආරක්ෂක අංශ ආරක්ෂාව සදහා යොදවා ඇති අතර ඒ සදහා ජනතාවගේද නොමසුරු සහයෝගය ආරක්ෂක අංශ වලට ලබා දිය යුතු බවද ආරක්ෂක ලේකම්වරයා පැවසිය.
ඇමරිකානු තානාපති කාර්යාලය මගින් ආරක්ෂාව සම්බන්ධයෙන් කළ අවවාදාත්මක නිවේදනය දීර්ඝ නිවාඩුවක් හෝ උත්සව අවස්ථාවක් පවතින මොහොතක එරට සංචාරකයින්ට සාමාන්යයෙන් නිකුත් කරන ලියවිල්ලක් මිස එය ශ්රීලංකාව මූලික කරගනිමින් නිකුත් කරන ලද්දක් නොවන බව එම තානාපති කාර්යාලය මගින් දැනුම් දුන්නේ යැයි ද සමාජ මාධ්යය මගින් මෙම නිවේදනය ප්රචාරය කිරීමත් සමඟ මෙරට ආරක්ෂාව සම්බන්ධයෙන් ගැටලුවක් හා තර්ජනයක් පවතින බවට ජනතාව තුළ යම් සැකයක් ඇතිවූ බවත් මේ නිසා එය නිකුත් කළ පාර්ශවයෙන් කරුණු විමසා අදාළ තොරතුරු තහවුරු කරගත් බව ආරක්ෂක ලේකම්වරයා පැවැසිය.
මෙරට ආරක්ෂාව උපරිමයෙන් සහතික කිරීමට ආරක්ෂක අංශ මේවන විට පියවර ගෙන තිබෙන බවත් මෙම නිවේදනය ඇමරිකානු තානාපති කාර්යාලය මගින් සාමාන්යයෙන් වරින් වර නිකුත් කරනු ලබන එකක් වුවත් ඒ ගැන ආරක්ෂක අංශ ඉතා සැලකිල්ලෙන් කරුණු සොයා බැලූ බවද ආරක්ෂක ලේකම්වරයා සදහන් කළේය.
මේ ආකාර නිවේදන සුළුවෙන් තකා බැහැර කිරීමට ආරක්ෂක අංශ කිසිවිටෙකත් කටයුතු නොකරන බවද ආරක්ෂක ඇමැතිවරයා ලෙස ජනපති තුමන්ද මේ පුවත ගැන තමන් ගෙන් විමසූ බවත් ජනතා ආරක්ෂාව තහවුරු කිරීම පිණිස උපරිමයෙන් කටයුතු කරන ලෙස දැනුම් දුන් බවද ආරක්ෂක ලේකම් ජෙනරල් ශාන්ත කෝට්ටේගොඩ මහතා සදහන් කළේය.
විවිධ ප්රමාණයේ ජීව උණ්ඩ 120 ක් සමග පුද්ගලයින් දෙදෙනෙකු අත්අඩංගුවට ගනු ලැබූ බව ගම්පහ මූලස්ථාන පොලීසිය සදහන් කරයි.
පෞද්ගලික මන්ත්රී යෝජනා 5ක් පාර්ලිමේන්තුවේදි අද පස්වරැවේ සම්මත විය
ජාතික ජන බලවේගය( මාලිමාව) ජයග්රහණය කළද විපක්ෂයට වැඩි බලය හිමිවූ පළාත් පාලන ආයතන 149ක පාලන බලය පිහිටුවීමට දේශපාලන පක්ෂ ගණනාවක් එකවර උත්සාහ දැරීම හේතුවෙ
දරුවාගේ වකුගඩු සැත්කමට රජයේ සහනාධාර මුදල ගැනීමට අනුමැතිය දීම සඳහා මවකගෙන් ලිංගික අල්ලස් ඉල්ලීමේ චෝදනාවන්ට වරදකරු වු ‘දිවිනැගුම සංවර්ධන නිලධාරි’වරය
මේ මාසය ඇතුළත නියම කරන දිනයකින් පසු ’’තොරොම්බෝල් කඩ’’ පාරේ ධාවනය කරන්න හැකියාවක් ලැබෙනේ නැතැයි ප්රවාහන සහ මහා මාර්ග නියෝජ්ය අමාත්ය වෛද්ය ප්රසන
ශ්රී ලංකා ජාතික ක්රිකට් කණ්ඩායමේ ක්රීඩකයින් ශ්රී ලංකා ක්රිකට් ආයතනයේ සේවකයින් ලෙස සලකා ඔවුන්ගෙන් රඳවා ගැනීමේ බද්දක් අය කිරීමට දේශීය ආදායම් දෙප
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
‘පෙරහර නරඹන්නට පැමිණෙන සැදැහැවතුන් බියක් ඇතිකරගත යුතු නැහැ‘
ඇත්ත සත්යපාල Sunday, 04 August 2019 09:26 AM
ඒක ඇත්ත. මොනවා හරි වුණාට පස්සේ කොමිසමක් දාලා අවුරුද්දක් විතර ඇදගෙන ගියාම ප්රශ්නය ඉවරයි.
anura Sunday, 04 August 2019 01:43 PM
නිකන් බොරු පුරාජේරු කියන්නේ නැතිව ජනතාවට කියන්න තියෙන පණිවිඩය අවධානයෙන් සිටින්න යන්නයි. මට මතකයි ටික කලකට පෙර ඇමෙරිකාවේ මැරතන් ධාවන තරඟයකදී කුඩා බෝම්බයක් ත්රස්තවාදියෙක් පුපුරවාගෙන මනුෂ්ය ඝාතනයක් කළා. සෙනඟ විශාල ලෙස එක් රැස් වන ස්ථානවල කොයිතරම් කිව්වත් අතපසු වීම් සිදුවීමට ඉඩ තියෙනවා. එය ත්රස්තවාදීන් උපයෝගී කරගන්නවා...
KumarSunday, 04 August 2019 04:56 PM
ඔබ කියන කතාව ඇත්ත. ඇමෙරිකාවේ මේ සතිය ඇතුළත ත්රස්ත ක්රියා තුනක් තිබුණා. ඊයෙම දෙපොලක වෙඩි තැබීම් දෙකක් සිදුවුණා 29 දෙනෙකුට ජිවිත අහිමි වුණා. ඔය සිද්ධීන් නිසා බයේ ජීවත් වෙන්න පුළුවන්ද?