(නිමල කොඩිතුවක්කු)

පාර්ලිමේන්තු මන්ත‍්‍රීවරුන්ට වාහන බලපත‍්‍ර අනවශ්‍ය යැයි මුදල් හා ජනමාධ්‍ය අමාත්‍ය මංගල සමරවීර මහතා පැවසීය.

වාහන බලපත‍්‍ර නිකුත් කිරීම රජයට දරා ගත නොහැකි බවත් බලපත‍්‍ර තාවකාලිකව නතර කිරීමටද එය හේතු වූ බවත් අමාත්‍යවරයා සඳහන් කළේය.

පිටකෝට්ටේ පිහිටි සිරිකොත එක්සත් ජාතික පක්ෂ මූලස්ථානයේදී අද (09) පැවති මාධ්‍ය හමුවකට එක්වෙමින් ඒ මහතා මේ බව පැවසීය.

එහිදී වැඩිදුරටත් අදහස් දැක්වූ අමාත්‍ය මංගල සමරවීර මහතා මෙසේද කීවේය.

       ‘‘අපි වාහන බලපත‍්‍ර තාවකාලිකව නැවැත්තුවා. මන්ත‍්‍රීවරුන්ගේ  බලපත‍්‍ර නැවැත්තුවේ සියලූම මන්ත‍්‍රීවරුන්ට බලපත‍්‍ර දුන්නට පස්සේ කියලා මෙතනදි අපිට සියලූ දෙනා බනින්න ගත්තා.

ඔව් ඒ වෙනවිට ගොඩක් අය බලපත‍්‍ර අරන් තිබුණා. නමුත් අනික් පැත්තෙන් මන්ත‍්‍රීවරුන්ට බලපත‍්‍ර දිපූ පලියට ඒවා නවත්තන්නේ නැතුව අනික් ඒවා නැවැත්තුවානම් මේ අය එතකොට අහන ප‍්‍රශ්නය ගැන පොඞ්ඩක් හිතලා බලන්න.

මගේ  නම් හැඟීම මේ වාහන  බලපත‍්‍ර අවශ්‍ය නැහැ කියන එක. ඒ නිසා තමයි ඊයේ පෙරේදා උතුරේ මහ ඇතිතුමාගේ වාහන බලපත‍්‍රය  කැබිනට් එකට ආපු වෙලාවේ නවත්තන්න සිද්ධ වුනේ.

මේ අවුරුදු දෙක ඇතුළත අලුත් මන්ත‍්‍රීවරයෙකු ආවත් ඒක ලැබෙන්නේ නැහැ.  මේක නීතියක් විදියට ගේන්න අපිට සිද්ධ වුනා‘‘ යැයි අමාත්‍යවරයා එහිදී පැවැසීය.