වසන්ත චන්ද්රපාල
වන අලි පහරදිමකින් අම්පාර පන්නල්ගම කුමන ප්රදේශයේ දී මියගිය අරුණ ශාන්ත මහතාගේ දියණිය අද අම්පාර මහානාගපුර විදුහලේ දී ශිෂ්යත්වට පෙනි සිටියාය.
අද පෙරවරු 7.00 පමණ මවට වැඳ ආශිර්වාද ගෙන පියාට වඳින ගාථාව කියමින් පියාගේ දේහයට වැඳ විභාගයට පෙනී සිටිමට යන අවස්ථාවේ එතැන සිටි සියලු දෙනාගේ දෑස් කඳුලුවලින් බරිත වී තිබිණි.
මෙම දියණිය ඉගෙන ගන්නා පාසැල වන පන්නල්ගම මහා විදුහලේ විදුහල්පතිනිය පැමිණ දරුවා සනසවමින් මහානාගපුර විදුහලේ විභාග ශාලාව වෙත තම මෝටර් රථයෙන් කැඳවාගෙන ගියාය.
COMMENTS
රත්තරන් දුවේ, දුවට මුහුණ දීමට සිදුවුණු කණගාටුදායක සිදුවීම පිලිබදව අපද අවංකව කණගාටු වන්නෙමු. පුතේ ඔබගේ අනාගතය සාර්ථක කරගැනුමට සියලු ශක්තිය ලැබේවා යන්න අපගේ එකම ප්රාර්ථනය.
ලෝකෙන් උතුම් රට ශ්රී ලංකාවේ අලියට තියන තැන මිනිහට නැති හැටි. මිනිහෙක්ට වඩා අලියෙක් ජීවත් කරවලා ඇති පලේ මොකක්ද? අලි ගහණය ටිකක් අඩු උනාම ඇති වැරැද්ද මොකක්ද? අලියාගෙන් රටට වන යහපත මොකක්ද? අලි වඳ උනත් මොකද? ඕන කෙනකුට පින්නවල ගිහින් අලි බලතහැකි නේද? මම වැරදි නම් කරුණාකර නිවැරදි කරන්න.
උදව් කරන්න කැමති මේ පවුලට.
දුවේ ඔය හොදට ඉගනගන්න. ඔයාට වරදින්නේ නෑ
විභාගයකට මුහුණ දීමට තරම් මේ දරුවාගේ මානසිකත්වය යහපත් නැති වුනත් මෙන්න මිහිපිට වැඩ ඉන්න නියම දෙවිවරු බඳු ගුරුවරු. එතුමියගේ සේවය මහත් ගෞරවයෙන් අගය කළ යුතුයි!
ඔය මහනගර වල ජීවත්වෙන පරිසර වේදීනුත් ඔය අවමගුල් උත්සවවලට සහභාගි වෙනවද?
ෆොන්සේකා ගැන හරි, තෙවරප්පෙරුම ගැන හරි හරියට දන්න කෙනෙක් ඉන්නවද?
අද දවස තුළ මෙවැනි අවාසනාවන්ත සිදුවීම් දෙකක් වාර්තා වු අතර, වල් අලි තර්ජන වලින් මේ අහිංසක ජනතාව බේරා ගන්නත්, මිනිස් වෙඩි පහරින් වල් අලි මුදා ගන්නත් මෙය අවස්ථාවක් කරගන්නා ලෙස අපි වනජීවී ඇමැතිවරයාගෙන් ඉල්ලා සිටිනවා.
හරිම සෝචනීයයි! දිරිය දියණිය සහ උදව්කල සැමට මගේ ප්රණාමය!!
ශිෂ්යත්ව කඩයිම ජයගැනීමට නුබට ශක්තිය ලැබේවා දියණියේ..
දුප්පත් තාත්තගේ බලාපොරොත්තුව වුනේ නුඹේ අනාගතයයි. එය ඉෂ්ටකරන්න දුවේ! තාත්තා නුඹට ආශීර්වාද කරයි.
හරිම සංවේදී දුක්ඛ අවස්තාවක්. අනතුරක්, මරණයක් වුණු වෙලාවකවත් පසුව පෙනී හිටින්න 19/ අ වගන්තිය වෙනස් කලොත් වෙනස් කල අයටත් සැනසිල්ලක් ,පිනක්
ඉතාම අනුවේදනීය දසුනක් !
පසුගිය ශිෂ්යත්වයේ මෙවැනීම සිදුවීමක් වුනා.
දුවට සහ අනෙක් අයට මගේ අවවාදය, බුදු දහමින් දෙන පණිවිඩය අපි තේරුම් නොගත්තොත් අනාගතයේදී මෙලෙස කුඩා කල දෙමාපියන් අහිමි වන වාර ගණන ගණනින් කිව නොහැක. මෙම නැතිවීම වාසනාවක් කර ගැනීමට ඔබට හැකිය. ඒ ඔබ බුදුන් දෙසු අනිත්ය තේරුම් ගත්තොත් පමණි. හේතුන් නිසා සකස් වී ඇති දේ කිසිදා ඔබේ නොවේ. එහි හිමිකරු හේතුවම පමණි. මේ ධර්මය ලිවීමෙන් ඇති කර ගත් කුසලය ඔබගෙන් වියෝවූ පියාණන්ට අනුමොදත් වේවා. මම මෙය ඇමෙරිකාවේ සිට ලියමි. බෞද්ද රටේ ශ්රී ලාංකිකයන්ගේ අදහස් කියවූ විට, කලකිරීමක් ඇතිවිය. මන්ද ඔවුනුත් තවමත් බුදු දහමින් ප්රයෝජනයක් නොගන්න බව පෙනෙන නිසාය.
සනත්ගේ අදහස නිවැරදියි. ඒ අනුව තමයි වෙන රටවල වන සත්ව කළමනාකරණය කියලා එකක් තියෙන්නේ. අපේ රටේ එහෙම එකක් අහලවත් නෑ. සමහරවිට සනත් නොදන්නවා විය හැකියි. හිරවෙලා ඉන්න කොටුවෙන් පිටට ඇවිත් හොඳට සෝදිසියෙන් විමසා බලන්න.
දියණියනි ඔබට ජය පතනවා ඒ වගේම ඉගෙනගෙන මේ පාලකයෝ ඉන්න රටින් ඉක්මනට යන්න රටේ තියන කුණු ටික, රටේ ඉන්න වන සත්තු ටික, උන්මන්තක සමිතිකාරයෝ ටික, මර්දනය කරගන්න බැරි ඒ අයගේ සුඛවිහරණයම විතරක් බලන පාලකයෝ කවදාවත් මේ රට හදන්නේ නැහැ
මෙය මගේ ජිවිතයේ දුටු සංවේදීම අවස්ථාවක්, සැබවින්ම මෙම දියණිය දිරිය දියණියක්මයි, මේ පුංචි දියණිය තම පියාගේ වියෝව හමුවේ, නොසැලී ඉදිරියට යන්නේ ජිවිතයේ යථාර්තය අවබෝධකරගත් පරිනත පුද්ගලයෙකු වැනිය. තම පියාණන්ගේ වියෝවීම විභාගයට බාදාවක් නොකර ගන්නා මේ පුංචි දියණිගේ ශක්තියට සහ සත් ගුණවත් භාවයට දෙවියන්ගේ ආශීර්වාද නිසැකවම ලැබෙනවා. දුවේ ඔබ ශිෂ්යත්ව විභාගය සමත්වෙනවාමයි ,ඉතින් ඔබගේ ඉගෙනීම සාර්ථක කරගැනුමට මම උදව් කරනනම්.
කරුණාකරලා මෙවැනි සංවේදී පුවත් පින්තුර සමග පලකරන්න එපා. හිත උණුවෙන මිනිසුන්ට මේවා කියවනකොට ඇඬෙනවා. පින්තුර පල නොකර ප්රවුර්තිය පමණක් දමන්න.
ඇත්තටම මේ පුංචි දරුවා මේ තරම් කණගාටු සිද්දියකට ගොදුරුවෙලා ඉන්න මේ අවස්ථාවේ ඒයාට සහනයක් ලබාදෙන්න තිබුන නේද .. ? මේ දරුවාගේ " ශිෂ්යත්වය " මේ අවමංගල කටයුතු වලින් පසුවට ලිවීමට කල්දාන්න පුළුවන් කමක් තිබුනා නේද .. ?