2025 ජුලි මස 19 වන සෙනසුරාදා
(විනීතා එම් ගමගේ)
පාර්ලිමේන්තුවේ මේ වනවිට සභාගත කර ඇති නව වෙළෙඳ ප්රතිපත්තිය නමැති ලේඛනය සකස් කළ ආකාරය හෝ ඒ සඳහා යොදා ගත් ක‍්‍රම වේදයන් හා ඊට දායක වූ පුද්ගලයින් පිළිබඳව පාර්ලිමේන්තු මන්ත‍්‍රීවරුන් දැනුවත් කර නොමැති බැවින් මන්ත‍්‍රීවරුන් දැනුවත් කිරීමට පියවර ගන්නැයි ජාතික නිදහස් පෙරමුණේ පාර්ලිමේන්තු මන්ත‍්‍රී ජයන්ත සමරවීර මහතා කථානායක කරු ජයසූරිය මහතා වෙත ලිපියක් යවමින් ඉල්ලා සිටී.
සංවර්ධන උපාය මාර්ග හා ජාත්‍යන්තර වෙළඳ අමාත්‍යාංශය විසින් එම ලේඛනය සකස් කොට පාර්ලිමේන්තුවට ඉදිරිපත් කර ඇත.
ලෝකයේ ඉතා ප‍්‍රසිද්ධ මතවාදයක් අනුව ඕනෑම ප්රතිපත්ති ප‍්‍රකාශනයක අන්තර්ගතයට වඩා ඒ කරා ළඟාවීම සඳහා යොදා ගන්නා ක‍්‍රමවේදය සහ ඊට දායක කර ගන්නා පුද්ගලයින්ගේ විශ්වාසනීයත්වය වැදගත් වන බව ද එහි සඳහන් වේ.
සමරවීර මහතා විසින් යවා ඇති එම ලිපියේ මෙසේ ද සඳහන් වේ.
‘‘එවැනි මතයක් ප‍්‍රචලිත කිරීමට ප‍්‍රධාන වශයෙන් හේතු වන්නේ ලෝකය පුරා පරිධියේ රටවල ආර්ථිකය වෙළඳාම සහ මූල්‍ය පද්ධතිය ආදිය දුරස්ථ පාලකයක් මගින් මෙහෙය වීම සඳහා ආයතන කටයුතු කරන බැවිනි. ලෝක බැංකුව, ජාත්‍යන්තර මූල්‍ය අරමුදල, ලෝක වෙළඳ සංවිධානය වැනි ආයතන මගින් රටවල් පාලනය කිරීම සඳහා යොදා ගන්නා ප‍්‍රධානතම උපාංගයක් වන්නේ ප්රතිපත්ති සම්පාදනයයි.
ප්රතිපත්ති මඟින් රටවල් හැසිරවීමට නම් ප්රතිපත්තිය සෑදීමේ ක‍්‍රියාවලිය අත්පත් කරගත යුතුයි. එසේ එම ක‍්‍රියාවලිය අත්පත් කරගත හැක්කේ තෝරා ගත් පුද්ගලයින් හරහා මහජන සංවාදයකින් තොරව හොර රහසේ ප්රතිපත්ති හැදුවොත් පමණි
ප්රතිපත්තිය නමින් ඉදිරිපත් කරන ලේඛනය සමග ප්රතිපත්තිය සකස් කළ ආකාරය පිළිබඳව මන්ත‍්‍රීවරුන් දැනුවත් කළ යුත්තේ ඒ නිසා ය. මීට පෙර 2017 සැප්තැම්බර් 05 දාතම සහිත අදාළ අමාත්‍යාංශය විසින් ශ්රී ලංකාවේ ජාතික වෙළඳ ප්රතිපත්තිය නමින් ලේඛනයක් මුදා හැර තිබුණි.
එම ලේඛනය පිළිබදව අදහස් ලබා ලබා ගැනීම සඳහා රවී රත්නායක නම් වූ පුද්ගලයකු ගේ නම සහ විද්‍යුත් ලිපිනය සටහන් කොට තිබුණි.
අප විසින් යොදාගත් තොරතුරු අනුව ඔහු නවසීලන්ත පුරවැසියෙකු වන අතර වසර 30ක කාලයක් විවිධ ජාත්‍යන්තර සංවිධානවල සේවය කොට ඇත. පිටු 104 කින් සමන්විත වූ එම ලේඛනය ඉන්පසුව පිටු 27 දක්වා සංස්කරණය කොට නව වෙළඳ ප්රතිපත්තිය ලෙස නම් කොට අමාත්‍ය මණ්ඩලයට සහ පාර්ලිමේන්තුවට ඉදිරිපත් කොට ඇත. එම ක‍්‍රියාවලියට දායක වූයේ කවුද යන්න පැහැදිලි නැත.
ඒ අනුව ක‍්‍රියාවලිය පිළිබඳව දැනුම්වත් වීමේ වැදගත්කම ඔබතුමාට පැහැදිලි වනු ඇත. එනිසා ඊට අදාළ තොරතුරු මන්ත‍්‍රීවරුන් වෙත ලබාදීමට ක‍්‍රියාකරන ලෙස ගෞරවයෙන් ඉල්ලා සිටිමි.
2025 ජුලි මස 15
392
0
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
2025 ජුලි මස 14
550
0
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු
2025 ජුලි මස 14
230
0
ශ්රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
නව වෙළෙඳ ප්රතිපත්තිය ලේඛනය ගැන මන්ත්‍රීවරු දැනුම්වත් කරන්නැයි කතානායකට ලිපියක්