(විනීතා එම් ගමගේ)
පළාත් පාලන මැතිවරණයේ දී දූෂිතයන්ට නාමයෝජනා දුන්නොත් ඔවුන් රටට හෙළි කරන බව මාර්තු 12 ව්යාපාරයේ කැඳවුම්කාර මණ්ඩලයේ සාමාජික රෝහණ හෙට්ටිආරච්චි මහතා පැවැසීය.
තම බල ප්රදේශයේ එවැනි දුෂිතයින් ඉදිරිපත් කරන බව වාර්තා වන්නේ නම් ඒවා මාර්තු 12 ව්යාපාරය වෙත ඉදිරිපත් කරන්නැයි හෙට්ටි ආරච්චි මහතා ජනතාවගෙන් ද ඉල්ලා සිටියේය.
ජනතාවාදී අපේක්ෂකයින් තෝරා යවන්නට ජනතාව සුදානම් නමුත් බොහෝ සංවිධායකවරුන්ගේ මැදිහත් වීම් නිසා දක්ෂ අපේක්ෂකයින් තෝරන්නට පක්ෂ ලේකම්වරුන්ට අවස්ථාව අහිමි වී ඇතැයි පෙනී යන බව ද හෙතෙම සඳහන් කළේය.
හෙට්ටිආරච්චි මහතා මේ අදහස් පළ කළේ ශ්රී ලංකා පදනම් ආයතනයේ අද(11) පැවැති මාර්තු 12 ව්යාපාරයේ මාධ්ය හමුවක් අමතමිනි.
COMMENTS
අර ගුරුවරියකුව දණ ගස්සපු ගණන්කාරයාව ඉස්සෙල්ලම ලැයිස්තුවට දා ගන්න...
ඉතාම හොද ඉතාම අත්යවශ්ය වැඩක්. මේවා දකින කොට හිතෙනවා රට ටිකක් හරි හැදෙයි කියලා ඉදිරියෙදිවත්.
හොරකම් චෝදනා ඇති අයත් ප්රසිද්ධ කරන්න. දවසින් දෙකෙන් ධනපතියන්වුනු අයත් ජනතාවට කියන්න. ඡන්දය ඉල්ලන අයගේ අධ්යාපන සුදුසකම් හෙලි කරන්න. අපි තිරණය කරන්නම් කාටද ඡන්දය දෙන්නේ කියලා
මාර්තු 12 ව්යාපාරයට අපගේ උපහාරය. මේක කරන්න තිබුනේ මිට හුඟාක් කලින්. ගෙයක් ගෙයක් ගානේ ගිහින් දැනුවත් කරන්න. මොකද ටිකක් උගත් අය ලංකාදිප වගේ පුවත්පත් බැලුවට බෙහෝ අයට දැනුමක් නැහැ ඔන්ලයින් පුවත් පතක් බලන්න සහ කමෙන්ටිස් කියවන්න.
එහෙනම් සියළු නාම යෝජනා දෙන්න වෙන්නෙ අළුතින්ම ඡන්දයට ඉදිරිපත් වෙන නව අපේක්ෂකයන්ට පමණයි. එහෙම දුන්නහම සභාවට තේරෙන ඒ අයත් ඊළඟ මැතිවරණ කාලය එළඹෙනවිට දූෂිතයන් වෙලා. හැමදාම සභාවලට තේරෙන්නෙ නවකයො. මේ ක්රියාමාර්ගය ඇත්තටම ප්රායෝගිකද? කෙනෙක් දූෂිතයෙක් වෙන්නෙ පවතින සමාජ ක්රමය තුල මිසක උප්පත්තියෙන් නොවෙයි. ක්රමානුකූලව වෙනස් කළ යුත්තේ ඊට අනුබල දෙන දූෂිත සමාජ ක්රමයයි. ඔයිට වඩා හොඳ නැද්ද අපේක්ෂකයින් තෝරා ගතයුතු නිර්ණායක පද්ධතියක් දේශපාලන පක්ෂවලට ඉදිරිපත් කළා නම්?
අට පාස් නැතුව, සා/පෙල සමත් නැතුව මෙතෙක්ම කල් මහා ලොකු ඇමතිකම් කළ රජයේ ආයතන වල අධ්යෂකම් කළ අයගේත් අදාල ඇමතිකම, තනතුර සහ අධ්යාපන සුදුසකම් රටට හෙලි කරන්න.
ඔය කරන්න හදන්නේ මේ අය කරන හොර වැඩ වලින් ජනතාව දන්නේ මොනවාද කියල කරන පරීක්ෂාවක් .