(විනීතා එම් ගමගේ)

දිවයිනේ සෑම දිස්ත‍්‍රික්කයකටම රණවිරු ගම්මානයක් ඉදිකිරීමට තීරණය කළ බව නිවාස හා ඉදිකිරීම් අමාත්‍ය සජිත් පේ‍්‍රමදාස මහතා පැවැසීය.

ඒ දිස්ත‍්‍රික්කයන්හි වෙසෙන ආබාධිත රණවිරුවන් වෙනුවෙන් මෙම ගම්මාන වෙන් කෙරෙන බව ද අමාත්‍යවරයා කීය.

ආබාධිත රණවිරුවන් වෙනුවෙන් ඉදි කෙරෙන මෙම නිවාස අංග සම්පූර්ණව ඉදිකිරීමට කටයුතු යොදන බවත් ආබාධිතයන් වෙනුවෙන් වූ සියලූ පහසුකම් එහි ඇතුළත් වනු ඇති බවත් හෙතෙම සඳහන් කළේය. 

විශේෂයෙන්ම ආබාධිත රණවිරුවන්ට තමන් පදිංචිව සිටින දිස්ත‍්‍රික්කයේම පදිංචි වීමට අවස්ථාව සැලසෙන පරිදි මෙම ගම්මාන සැලසුම් කරන්නේ යැයි පැවසු අමාත්‍යවරයා මේ සඳහා රණවිරුවන්ගෙන් කිසිදු මුදලක් අය නොකරන බව ද සඳහන් කළේය. 

ආබාධිත රණවිරුවකු මෙන්ම ශ්‍රී ලංකා ජාතික දෘෂ්‍යාබාධිත ජාතික ක‍්‍රිකට් කණ්ඩායමේ උපනායක ජේ ඩී පී රවීන්ද්‍ර මහතාට මොරටුව අඟුලානේ සයුරුපුර නිවාස සංකීර්ණයෙන් නිවසක් ලබාදීම නිවාස හා ඉදිකිරීම් අමාත්‍යංශයේ දී අද (9)  මෙසේ පැවසීය.