(පාලිත ආරියවංශ )
 
ත්‍රිකුණාමලය , ගෝමරන්කඩවල  මැදවච්චිය වැවේ දියේ ගිලී  හාලිඇල ඌව විද්‍යා  විද්‍යාලයේ සිසුන් 4 දෙනෙක් ජීවිතක්ෂයට පත්වීමේ සිද්ධිය පිළිබදව ඌව පළාත් අධ්‍යාපන අමාත්‍යංශය මට්ටිමින්  පරික්ෂණයක් ආරම්භ කර ඇතැයි ඌව පළාත් අධ්‍යාපන අමාත්‍යාංශයේ ලේකම් සන්ධ්‍යා අඹන්වල මහත්මිය  පැවසුවාය.
 
මේ සදහා  ඌව පළාත් අධ්‍යාපන අමාත්‍යාංශයේ නිලධාරියෙක්  ,අධ්‍යාපන දෙපාර්තමේන්තුවේ නිලධාරියෙක් හා කළාප  අධ්‍යාපන අධ්‍යක්ෂවරයෙක් ඇතුලත්  ත්‍රිපුද්ගල විමර්ශන කමිටුවක් පත්කළ බවද  අඹන්වල මහත්මිය සදහන් කළාය.

මෙම විමර්ශන කමිටුව සියලු පාර්ශවයන්ගෙන් ප්‍රකාශ සටහන් කරගැනීමට  හා  සිද්ධිය වූ ස්ථානයට ගොස් විමර්ශනය කිරීමට නියමිතය.
 අධ්‍යාපන චාරිකාවකට සහභාගිවී සිටියදී ඉකුත් (19) දා  මෙම වැවේ දියනෑමට සිසුන් සිවුදෙනෙක් ජීවිතක්ෂයට පත්වූ අතර තවත් සිසුන් 3 දෙනෙක් ප්‍ර දේශවාසින් විසින් බේරාගෙන රෝහල ගත කළහ  ඔවුන් සුවය ලබා රෝහලෙන් නික්ම ගොස් තිබේ .