( මහින්ද නිශ්ශංක සහ කරුණාරත්න ගමගේ  )

ජනාධිපති මෛත්‍රීපාල සිරිසේන මහතා  සමඟ  අද (12) පැවැති සාකච්ඡාවකින් පසු දුම්රිය වැඩ වර්ජනය තාවකාලිකව අත්හිටුවීමට තීරණය කළ බව දුම්රිය වෘත්තිය සමිති පවසයි.

වැටුප් විෂමතාව නිවැරදි කිරීමේ කැබිනට් පත්‍රිකාව ක්‍රියාත්මක කරන ලෙස බල කරමින් දුම්රිය රියදුරු, නියාමක, ස්ථානාධිපති සහ පාළක යන ශ්‍රේණි ක්‍රියාත්මක වර්ජනය මෙසේ අවසන් කෙරිණි. 

පොලොන්නරුවේ ජනාධිපති නිල නිවසේදී අද (12) පෙරවරුවේදී  ජනාධිපති මෛත්‍රීපාල සිරිසේන මහතාගේ මැදිහත්වීමෙන් පැවති සාකච්ඡාවේදී මෙම තිරණයට එළැඹි බව  දුම්රිය මෙහෙයුම් අධික්ෂණ නිලධාරීන්ගේ වෘත්තිය සමිති සන්ධානයේ සම කැඳවුම් ලාල් ආරියරත්න මහතා පැවසීය.

වැටුප් විෂමතාව ඉවත් කිරීමේ කැබිනට් පත්‍රිකාව ක්‍රියාත්මක කරන ලෙස මෙහිදී ජනාධීපතිවරයා බලධාරීන්ට උපදෙස් දුන් බවත් ආරියරත්න මහතා සඳහන් කළේය.

ඒ අනුව දුම්රිය  වර්ජනය  අත්හිටුවීමට තීරණය කළ අතර අද සිට දුම්රිය ධාවන කටයුතු   සාමාන්‍ය පරිදි සිදු කරන  බවද හෙතෙම සඳහන් කළේය.

(36698)