(මහින්ද නිශ්ශංක)

දුම්රිය රියදුරුන් සහ නියාමකවරුන් හෙට (05) පෙරවරු 8.00 සිට සෙනසුරාදා (06) පෙරවරු 8.00 දක්වා පැය 24ක වර්ජනයක යෙදෙන බව රියදුරු සහ නියාමක සංගම් පවසයි.

සයිටම් ආයතනයට එරෙහිව හා විශ්‍රාම වැටුප් කප්පාදුවට එරෙහිව මෙම වැඩවර්ජනය කරන බවද එම සංගම් කියයි.

මේ අතර දුම්රිය ස්ථානාධිපතිවරුන් හා දුම්රිය පාලකවරුන් මෙම වර්ජනයට එක් නොවන බව ද එම සංගම් පවසයි.

ලංගම සහ පෞද්ගලික බස් රථ වර්ජනයකින් තොරව සාමාන්‍ය පරිදි ධාවනය වන බව ලංකා පෞද්ගලික බස් රථ සංගමයේ සභාපති ගැමුණු විජේරත්න මහතා කියයි.

ලංකා ගමනා ගමන මණ්ඩලයට අයත් බස් රථ ද සාමාන්‍ය පරිදි ධාවනය වන බව ලංගම ජාතික සේවක සංගමයේ ලේකම් රංජිත් විජේසිරි මහතා පවසයි.