(අමල් වික්‍රමරත්න )

දක්ෂිණ අධිවේගී මාර්ගයේ කහතුඩුව ආසන්න ප්‍රදේශයේ දී  අද සවස  වාහන 6  ක්  එකිනෙක ගැටීමෙන්  අනතුරක් සිදු වී  ඇතැයි පොලීසිය කියයි.

 අනතුර  හේතුවෙන් අධිවේගී මාර්ගයේ කොළඹ දෙසට ගමන් ගන්නා වාහන එක් මං තීරුවකට සීමා කිරීමට සිදුවීමෙන් අධික වාහන තද බදයක් ඇති වී තිබේ.

 පවතින අධික වර්ෂාවත් සමඟ   සිදු වී ඇති මෙම අනතුරින්   බස් රථ දෙකක්, ඇතුළු තවත් වාහන 4ක් අනතුරට ලක්වී ඇතැයි පොලීසිය කියයි.

 මේ අතර අධික වැසි  නිසා වාහන ගමනා ගමනය සදහා වේග සීමාව පැයට කිලෝමීටර් 60 දක්වා අඩුකර ,  සැලකිළිමත් ලෙස රිය පදවන ලෙසද රියදුරන්ට උපදෙස් දී ඇතැයි පොලීසිය සඳහන් කරයි.  

(ඡායාරූප - බිමල් ශ්‍යාමන් ජයසිංහ)