ජයරත්න වික්‍රමාරච්චි 
 
කරුවලගස්වැව තබ්බෝව ජලාශයේ වාන් දොරටු විවෘත කිරීමත් සමඟ ජලාශය පහළ තම්බපණ්නිය ප්‍රදේශයේ අවතැන් වූ පවුල් 30ක් අද (25) අලුයම තබ්බෝව විහාරස්ථානයට රැගෙන ආ බව පුත්තලම ආපදා කළමනාකරණ ඒකකයේ සහකාර අධ්‍යක්ෂ ඒ.එම්.ආර්. අලහකෝන් මහතා පැවසීය.

මේ සඳහා යුද හමුදාවේ සහ නාවික හමුදාවේ සහයෝගය ලබා ගත් බවද ඒ මහතා කීය.

පවතින අධික වර්ෂාව හේතුවෙන් තබ්බෝව ජලාශයේ වාන් දොරටු විස්සම අද අලුයම විවෘත කෙරිණි.

මේ අතර රාජාංගණය ජලාශයේ වාන්දොරටු 2ක් අඩි 1 බැගින් විවෘත කර ඇති බව රාජාංගණය වාරිමාර්ග කාර්යාලය පැවසීය.