IMG-LOGO

2025 නොවැම්බර් මස 30 වන ඉරිදා


ජ්‍යෙෂ්ඨ මාධ්‍යවේදි එස්. පියසේන දිවියෙන් සමුගනී

(ජගත් රණතුංග)

ප්‍රවීණ හා ජ්‍යෙෂ්ඨ මාධ්‍යවේදී ඇස්.පියසේන මහතා අද (5) පෙරවරුවේ අභාවප්‍රාප්ත විය.

උදෑසන ආහාර ගනිමින් සිටියදී ඇතිවූ හදිසි රෝගාතුරවීමක් හේතුවෙන් ජයවර්ධනපුර රෝහලට ඇතුළු කරන විටත් ඒ මහතා මියගොස් සිටියේය.

දිනපතා ලංකාදීප පුවත්පතේ සිකුරාදා ආවර්ජනා තීරු ලිපිය රචනා කළ පියසේන මහතා මිය යන විට 96 වැනි වියේ පසුවිය.

සෙම්බුකුට්ටිගේ සේනාධීර පියසේනයන්ගේ බිරිය වූ සෝමා කරුණාතිලක මහත්මිය මීට වසර කිහිපයකට පෙර අභාවප්‍රාප්ත වූවාය.

පස්යොදුන් කෝරළයේ අලුත්ගම දේවගොඩ ග්‍රාමයේ ජන්ම ලාභය ලැබූ ඒ මහතා සිව්දරු පියකු විය. පියසේන මහතා කොළඹ ආනන්ද විද්‍යාලයේ ආදි සිසුවෙකි. එහිදී ටිබෙට් ජාතික එස්.මහින්ද හිමියන්ගෙන් සිංහල ඉගෙනගත් පියසේන මහතා පොල්වත්තේ බුද්ධදත්ත, ආනන්ද මෛත්‍රිය යන හිමිවරුන් සෙවණේ සිප්සතර ලබා ඇත.

ආනන්දයේ ඉගෙනුම ලැබීමෙන් පසු ඉන්දියාවේ කල්කටාවට ගොස් බීකොම් හැදැරූ අතර එහිදී වාමාංශික දේශපාලන පක්ෂ සමග සම්බන්ධ වී ට්‍රොස්කිවාදියකු විය.

ලංකා සමසමාජ පක්ෂයේ ආරම්භක සාමාජිකයකු වූ තම පියා නිසා ලංකාවේ වාමාංශික ව්‍යාපාර හා බැඳී දොස්තර එස්.ඒ.වික්‍රමසිංහ වැනි වාමාංශික නායකයන් ඇසුරු කළේය. එම පක්ෂයේ මුල්ම පුවත්පත වූ ජනශක්තිය ආරම්භ කිරීමේ පුරෝගාමියා වූයේද පියසේන මහතාය. සමස්ත ඉන්දීය ගුවන්විදුලියේ වසර 11ක් සේවය කළ පියසේන මහතා දෙවසරක් ඉන්දියාවේ නියෝජ්‍ය මහ කොමසාරිස් ලෙස ද රාජකාරී කළේය.

හිටපු ජනපති දිවංගත ජේ.ආර්.ජයවර්ධන මහතාගේ ප්‍රවෘත්ති ලේකම් ලෙසද කටයුතු කළ පියසේන මහතා එවකට අලෙවිය පහත වැටී තිබූ දවස, ලංකාදීප වැනි පුවත්පත්වල අලෙවිය කිහිප ගුණයකින් වැඩිකිරීමට දායක විය.

ශ්‍රී ලංකා පළමු පාර්ලිමේන්තුවේ පළමු සිංහල සමගාමී කතා පරිවර්තකයා වීමේ ගෞරවය දිනා ගන්නේ ද ඇස්.පියසේන මහතාය. ලංකා ගුවන්විදුලියේ රහස් පරීක්ෂක කථාවල පුරෝගාමියා වන්නේ ද ඒ මහතාය.

ඕස්ට්‍රේලියා පුරවැසිභාවය හිමි පියසේන මහතා සංචාරක වීසා මත ශ්‍රී ලංකාවට පැමිණ සිටි අතර මියයන විට පනාගොඩ රොමියෙල් මාවතේ ශාක්‍යසිංහාරාමය අසල නිවසේ ජීවත්ව සිටියේය.

ඒ මහතාගේ දේහය පිළිබඳ අවසන් කටයුතු සිකුරාදා (7) සවස 3ට බොරැල්ල කනත්තේදී සිදු කිරීමට නියමිතය. දේහය 732/3, රොමියෙල් මාවත, පනාගොඩ, හෝමාගම නිවසේ තැන්පත් කර තිබේ.



අදහස් (0)

ජ්‍යෙෂ්ඨ මාධ්‍යවේදි එස්. පියසේන දිවියෙන් සමුගනී

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 219 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 271 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1182 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site