‘ජ‘පුර රෝහලේ අධිකරණ වෛද්‍ය නිලධාරියෙක් නෑ‘

(බිඟුන් මේනක ගමගේ)

ශ්‍රී ජයවර්ධනපුර රෝහලේ මුදල් අයකරන්නේ පශ්චාත් මරණ පරීක්ෂණවලට මිස මරණ පරීක්ෂණවලට නොවන්නේ යැයි ද එවැනි මුදලක් අයකිරීමට සිදුව තිබෙන්නේ සිය රෝහලේ අධිකරණ වෛද්‍ය නිලධාරියකු නොමැති නිසා යැයි ද එහි නියෝජ්‍ය අධ්‍යක්ෂ වෛද්‍ය ප්‍රභාත් වේරවත්ත මහතා ලංකාදීපයට කීය.

නියෝජ්‍ය අධ්‍යක්ෂවරයා මේ බව කීවේ ශ්‍රී ජයවර්ධනපුර රෝහලේදී කරනු ලබන මරණ පරීක්ෂණවලට මුදල් අයකිරීමට එම රෝහල් කළමනාකරණ මණ්ඩලය තීරණය කළේ කවර පදනමකින්දැයි අසමින් සමස්ත ලංකා වෛද්‍ය නිලධාරින්ගේ සංගමය එම රෝහලේ සභාපති වෛද්‍ය අතුල කහඳලියනගේ මහතාට යොමු කළ ලිපිය ගැන විමසීමේදීය.

පශ්චාත් මරණ පරීක්ෂණ සඳහා කළුබෝවිල රෝහලින් පැමිණෙන වෛද්‍යවරයාට එම මුදල සේවා ගාස්තුවක් ලෙස ගෙවන්නේ යැයි ද ඒ මහතා කීය.

රෝහල් මණ්ඩලයට මෙම මුදල අය නොකොට අවශ්‍ය නම් පශ්චාත් මරණ පරීක්ෂණ සිදුකරන්නැයි නියම කෙරෙන මෘත ශරීර කළුබෝවිල රෝහලට රැගෙන යන්නැයි නියම කළ හැකි නමුත් එවැනි තීන්දුවකින් සිදුවන්නේ එම මරණවල නෑසියන් දැඩි අපහසුතාවයට පත්වීම යැයි නියෝජ්‍ය අධ්‍යක්ෂවරයා අවධාරණය කළේය.

අධිකරණ අමාත්‍යංශය අධිකරණ වෛද්‍ය නිලධාරින්ට පශ්චාත් මරණ පරීක්ෂණයකට රුපියල් හයසීයක් වැනි මුදලක් ගෙවන්නේ යැයි ද සෞඛ්‍ය අමාත්‍යංශයට අවශ්‍ය නම් ශ්‍රී ජයවර්ධනපුර රෝහලට අධිකරණ වෛද්‍ය නිලධාරියකු ලබාදීමට හැකි යැයි ද වෛද්‍ය වේරවත්ත මහතා වැඩිදුරටත් සඳහන් කළේය.

‘ජ‘පුර රෝහලේ අධිකරණ වෛද්‍ය නිලධාරියෙක් නෑ‘

අදහස් (0)

‘ජ‘පුර රෝහලේ අධිකරණ වෛද්‍ය නිලධාරියෙක් නෑ‘

ඔබේ අදහස් එවන්න

වැඩි දෙනා කියවූ පුවත්

සරසවි නේවාසිකාගාරයෙන් කලලයක කොටස් හමු වෙලා

උතුරු කොරියාවේ රාජ්‍ය නායක කිම් යොං නම් සමුගනී

කැළණිය විශ්වවිද්‍යාලයෙන් බෝතල් මූඩී බංකුවක් මරදානට

කෝටියක මාළු මා දැලක පැටලේ

තෙල් - තේ ගිවිසුම කැඩුවාට ඉරානයට මිලියන 119ක් ගෙවයි

මේවාටත් කැමතිවනු ඇති

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

Our Group Site