(නාලක සංජීව දහනායක)

විධායක ජනාධිපති ක‍්‍රමය අහෝසි කිරීමේ මුවාවෙන් පාර්ලිමේන්තුවට ඉදිරිපත් කරන බෙඳුම්වාදී 20 වැනි ආණ්ඩුක‍්‍රම ව්‍යවස්ථා සංශෝධනය වහාම නතර ලෙස ආණ්ඩුවට බලකරමින් ජාතික සංවිධාන සම්මේලනය විසින් පවත්වනු ලබන ජාතික මහා සඟ සමුළුව හෙට (3) පෙරවරු 9.00ට තුම්මුල්ල සම්බුද්ධත්ව ජයන්ති මන්දිරයේදී පැවැත්වේ.

මෙම සමුළුව නියංගොඩ විජිතසිරි මල්වතු පාර්ශවයේ අනුනායක හිමියෝ සහ වෙඬරුවේ උපාලි අස්ගිරි මහාවිහාර පාර්ශවයේ අනුනායක හිමියෝ ප‍්‍රමුඛ මහා සංඝරත්නයේ ප‍්‍රධානත්වයෙන් මෙම සඟ සමුළුව පැවැත්වේ.                           
ජාතික මහා සඟ සමුළුව පිළිබඳව අස්ගිරි - මල්වතු දෙපාර්ශවයේම මහානායක හිමිවරුන් දැනුවත් කර තිබෙන බව ජාතික සංවිධාන සම්මේලනයේ කැඳවුම්කරු රියාද් අද්මිරාල් සරත් වීරසේකර මහතා සඳහන් කරයි.