IMG-LOGO

කළු - අත්තනගලු ගංගා තවමත් ගං වතුර මට්ටමේ

ඩයනා උදයංගනී
 
කළු ගඟ, අත්තනගලූ ඔය හැරුණු විට සෙසු ප‍්‍රධාන ගංගා සියල්ලකම පාහේ ජල මට්ටම මේ වන විට අඩුවෙමින් පවතින බව වාරිමාර්ග දෙපාර්තමේන්තුව පවසයි.

 
කළු අඟ අද (23) දහවල් වන විටත් සුළු ගං වතුර මට්ටමක පැවති අතර එහි ඉහළ ජාලා ධාරා ප්‍රදේශවලට ගතවූ පැය 6ක කාලයේ තද වැසි ලැබී ඇති බැවින් එහි ජල මට්ටම තව දුරටත් ඉහළ යමින් තිබෙන බව වාරිමාර්ග අධ්‍යක්‍ෂ (ජල විද්‍යා) ඉංජිනේරු මාලා අලවතුගොඩ මහත්මිය පැවසුවාය.
 
 අත්තනගලු ඔය ගං වතුර මට්ටමේ පැවති අතර එහි ජල මට්ටමද තව දුරටත් ඉහළ යාමේ හැකියාවක් ඇති බව මාලා අලවතුගොඩ මහත්මිය ප‍්‍රකාශ කළාය.
          
එබැවින් එම ගංගා අවට පහත් බිම්වල ජීවත් වන ජනතාව අවධානයෙන් පසුවිය යුතු බව ද ඇය කීවාය.
          
කැලණි ගඟේ ජල මට්ටම බොහෝ තැන්වල සාමාන්‍ය මට්ටමට පැමිණ ඇති නමුත් නාගලගම්වීදිය මාපකය ප‍්‍රදේශයෙන් පිටාර මට්ටමට පැමිණ ඇති බව කී අධ්‍යක්‍ෂවරිය ජල ධාරා ප‍්‍රදේශයට තද වැසි ලැබී නොමැතිකම හේතුවෙන් එහි ජල මට්ටම සෙමින් පහළ යමින් පවතින බව ද සඳහන් කළාය.
 
ගිං ගඟ සාමාන්‍ය තත්ත්වයට පැමිණ ඇතත් බද්දේගම ප‍්‍රදේශයෙන් සුළු ගං වතුර තත්ත්වයක් පවතින බව කී ඇය නිල්වලා ගඟ ද අකුරැස්ස ප‍්‍රදේශයේදී සුළු ගං වතුර මට්ටමක පවතින බව කියා සිටියාය.
මහවැලි ගඟ සහ මා ඔය අද දහවල් වන විට සාමාන්‍ය තත්ත්වයට පැමිණ තිබූ බව ද ඇය සඳහන් කළාය.
 
වාරිමාර්ග දෙපාර්තමේන්තුවෙන් පාලනය වන ජලාශ ගත් විට රාජාංගණය, දැදුරු ඔය, මුරුතවෙල වාන් දොරටු විවෘත කර ඇති බැවින් ඒ අවට ජනතාවද අවධානයෙන් සිටිය යුතු බව ඇය පැවසුවාය.
 
වාරිමාර්ග අධ්‍යක්‍ෂ (ජල විද්‍යා) ඉංජිනේරු මාලා අලවතුගොඩ මහත්මිය මේ බව පැවසුවේ ආපදා කළමනාකරණ අමාත්‍යාංශයේදී අද (23) පැවති මාධ්‍ය හමුවක් අමතමිනි.   



අදහස් (1)

කළු - අත්තනගලු ගංගා තවමත් ගං වතුර මට්ටමේ

සතයපාල Wednesday, 23 May 2018 01:56 PM

දැන්නම් ලංකාවේ හැම ගඟක්ම පිටාර ගලනවා. හැම ජලාශයක්ම, වැවක්ම වාන් දමනවා. තව මාසයක්, දෙකක් ගියාම කියයි වගා කරන්න ජලය නැහැ, විදුලිය නිපදවන ජලාශ හිඳිලා... ඩිසල් බලාගාරවලින් රට දුවන්නේ කියලා. මේ ලැබෙන වතුර රඳවා ගන්න ආරක්ෂාකර ගන්න කාටවත් වුවමනාවක් නැහැ. වැඩකට නැති වරායවල්, ගුවන්තොටුපොලවල් හා වැඩි ඵල ප්‍රයෝජනයක් නැති අධිවේගි මාර්ග අටවනවට වඩා රටට වඩාත්ම ඵල ප්‍රයෝජනයක් ඇති මේ ජල කඳ රැක ගන්න පාලකයන්ට වගේම පාලිතයන්ටත් වුවමනාවක් නැත්තේ අර ජාත්‍යන්තර සමික්ෂණයට අනුව අපේ රටේ ජනතාව බහුතරයේ බුද්ධි මට්ටම මන්ද බුද්ධික මට්ටමට ලඟාවෙලා නිසාද?

:       0       4

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 66 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 277 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site