(පුෂ්පකුමාර ජයරත්න)
කොහුබත් ඇතුළු විවිධ අපද්රව්ය යොදා සකස්කරන ලද කසල තේ කන්ටේනරයක් අපනයන කිරීම සඳහා කොළඹ වරයාට රැගෙන යමින් සිටියදී අද (23) මාවතගමදී අත්අඩංගුවට ගත් බව මාවතගම පොලිසිය කියයි.
එම කන්ටේනර් රථයේ රියදුරා ද අත්අඩංගුවට ගෙන ඇත.මාවතගම-කුරුණෑගල මාර්ගයේ හදිසි මාර්ග බාධකයක් යොදා මෙම වැටලීම සිදුකර තිබිණි.
සූදානම් කර තිබූ තවත් කසල තේ තොගයක් සමග මෙම ජාවාරමේ ප්රධාන සැකකරුවකු ද රියදුරුගෙන් කළ ප්රශ්න කිරීම් අනුව මාවතගම සිංහපුර දී සොයාගැනීමට හැකි වූ බව පොලිසිය කියයි.
මෙම අපද්රව්ය සමග විවිධ රසායන ද්රව්ය මිශ්රකර නියම තේ කුඩු ලෙස වරණගන්වා ‘ශ්රී ලංකාවේ නිෂ්පාදනයක් “ලෙස ලේබල් කර විදෙස් රටවලට අපනයනය කිරීමේ ජාවාරමක් සිදුව ඇතැයි පොලිසිය කියයි.
COMMENTS
අයියෝ, පුදුමාකාර වංචාකාරයෝ ඉන්න රටක්.
තමන්ගේ මව් බිමේ අගය දන්නේ නැති නරුමයෝ. මේවා වෙන රට වලට ගියාම අපේ මව්බිමේ නාමය කැත වෙන්නේ.. කන බොන දේටත් මෙහෙම කරන්න තරම් මේ උදවිය පහත වුනේ කොහොමද..?
දක්ෂ නිෂ්පාදකයෙක් නේ... රාජ්ය සම්මාන ලැබිය හැකියි මෙවර නව නිෂ්පාදන සඳහා ...
මේවා ජාතික අපරාධ. ලෝකයේ හොඳම තේ අපේ රටේ නිෂ්පාදන බව අප සැවොම දන්නා කරුණකි. මේ අය නිසා අපගේ තේ නිෂ්පාදනයේ තත්වය පහළ බසින බව අමුතුවෙන් කිවියයුතු නැත. ජාතික සම්පත් විනාශකරන මෙවන් අයට උපරිම දඬුවම් දියයුතු අතර ඒ අයගේ නම්ගම් ද ප්රසිද්ධ කලයුතුය.
ලංකාවේ නම කන්න හදනවානේ.. කොහොමද මේ කුණුගොඩ පිටරට ගියා නම්...?
ලෝකේ මේ වගේ ජරා වැඩ කරන මිනිස්සු ඉන්නේ ලංකාවේ විතරමයි.කෝ රටේ තිබුන හැදියාව මනුස්සකම. මෙහෙම දේවල් කරලා ජිවත්වෙනවට වඩා හොඳ නැද්ද හිඟා කන එක..
මේවා අද ඊයේ දේවල් නෙවේ, හම්බුන පලවෙනි වතාවත් නෙවේ මේක,. දීපු දඩුවමක් නම් අහල නැහැ කවදාවත්, මෙවැනි ජාවාරම් කාරයෝ තමයි අපේ තේ වෙළදපොළ කන්නේ,
මේවාගෙ දේවල් කරන අය උල තියන්න ඕන.